ഹൈദരബാദ്: തെരഞ്ഞെടുപ്പ് ചട്ടം ലംഘിച്ച നടൻ അല്ലു അർജുനെതിരെ കേസെടുത്ത് പോലീസ്. ആന്ധ്രയിൽ വൈഎസ്ആർസിപി സ്ഥാനാർഥിയുടെ തെരഞ്ഞെടുപ്പ് പ്രചാരണത്തിൽ പങ്കെടുത്തതിനാണ് നന്ദ്യാൽ പൊലീസ് കേസെടുത്തത്. വരണാധികാരിയുടെ അനുമതി ഇല്ലാതെ ആളെ കൂട്ടിയതിനാണ് നടപടി.
അല്ലു അർജുനെ കാണാൻ നൂറുകണക്കിന് പേരാണ് തടിച്ചുകൂടിയത്. നടൻ തെരഞ്ഞെടുപ്പ് ചട്ടം ലംഘിച്ചെന്നും ആളുകളുടെ സുരക്ഷയ്ക്ക് ഭീഷണിയായെന്നും എഫ്ഐആറിൽ പറയുന്നു. സ്പെഷ്യൽ ഡെപ്യൂട്ടി തഹസിൽദാറുടെ പരാതിയിലാണ് താരത്തിനെതിരെ കേസ് എടുത്തത്. അല്ലു അർജുന്റെ സുഹൃത്തും വെഎസ്ആർസിപി സ്ഥാനാർഥിയുമായ ശില്പ രവി ചന്ദ്ര റെഡ്ഢിക്കെതിരെയും കേസെടുത്തിട്ടുണ്ട്.
