ട്വന്റി 20 ലോകകപ്പിനുള്ള ഇന്ത്യൻ താരങ്ങളുടെ ജഴ്സി പുറത്തിറങ്ങി. ഒരു രാജ്യം ഒരു ജഴ്സി എന്നാണ് പുതിയ കുപ്പായത്തെ അഡിഡാസ് വിശേഷിപ്പിച്ചിരിക്കുന്നത്. വ്യത്യസ്തമായ ഒരു വീഡിയോയിലൂടെയാണ് അഡിഡാസ് ഇന്ത്യൻ ടീമിന്റെ കുപ്പായത്തെ ഇത്തവണ അവതരിപ്പിച്ചിരിക്കുന്നത്. ഒരു ഹെലികോപ്ടർ പോകുന്നത് കേൾക്കുന്ന ഇന്ത്യൻ താരങ്ങൾ മുകളിലേക്ക് നോക്കുന്നതാണ് വീഡിയോ. രവീന്ദ്ര ജഡേജ, രോഹിത് ശർമ്മ, കുൽദീപ് യാദവ്, എന്നിവരെ വീഡിയോയിൽ കാണാം. ഹെലികോപ്ടറിൽ ഇന്ത്യൻ ജഴ്സി പ്രദർശിപ്പിക്കുന്നത് കാണാം. നീല ജഴ്സിക്കൊപ്പം ഓറഞ്ച് നിറം കലർന്നതാണ് ഇന്ത്യയുടെ പുതിയ ജഴ്സി. കുപ്പായത്തിലെ കൈയ്യുടെ ഭാഗമാണ് ഓറഞ്ച് നിറത്തിലുള്ളത്. ചില ഭാഗങ്ങളിൽ വെള്ള നിറവുമുണ്ട്.
Read also: ‘എന്റെ കരിയർ തന്നെ മാറ്റിമറിച്ചത് ശ്രീശാന്ത് പറഞ്ഞ ഒരു വലിയ നുണ ‘: സഞ്ജു സാംസൺ വെളിപ്പെടുത്തുന്നു !
