വില്ലുകുലച്ചതുപോലായി; പുറകോട്ട് ആഞ്ഞ സ്വർണവില ശരവേ​ഗത്തിൽ കുതിക്കുന്നു; ഇന്നത്തെ വിലയറിയാം

കൊച്ചി: മൂന്ന് ദിവസത്തെ ഇടിവിന് ശേഷം സ്വർണവിലയിൽ വീണ്ടും മുന്നേറ്റം. ഇന്ന് 53,000ന് മുകളിലാണ് സ്വർണവില എത്തിരിക്കുന്നത്. പവൻ 360 രൂപ വർധിച്ചതോടെ ഒരു പവൻ സ്വർണത്തിന്റെ വില 53,280 രൂപയാണ്. ​ഗ്രാമിന് 45 രൂപ കൂടിയതോടെ 6660 രൂപയാണ് ഒരു ഗ്രാം സ്വർണത്തിന്റെ വില. സ്വർണവിലയിൽ ഇന്നലെ മാത്രം പവന് ഒറ്റയടിക്ക് 1120 രൂപയാണ് കുറഞ്ഞത്. കഴിഞ്ഞ മാസം 29ന് ആണ് സ്വർണവില ആദ്യമായി 50,000 കടന്നത്. അന്ന് ഒറ്റയടിക്ക് 440 രൂപ വർധിച്ച് 50,400 രൂപയായാണ് സ്വർണവില ഉയർന്നത്. 19ന് 54,500 കടന്ന് സ്വർണവില സർവകാല റെക്കോർഡും ഇട്ടു. തുടർന്ന് ശനിയാഴ്ച മുതലാണ് വില കുറയാൻ തുടങ്ങിയത്. മൂന്ന് ദിവസത്തിനിടെ 1600 രൂപ കുറഞ്ഞ ശേഷമാണ് ഇന്ന് മുന്നേറിയത്. അന്താരാഷ്ട്ര വിപണിയിൽ സ്വർണവിലയിൽ ഉണ്ടാകുന്ന മാറ്റമാണ് കേരളത്തിലും പ്രതിഫലിക്കുന്നത്.

Read Also: ഇടതുണ്ടെങ്കിലേ ഇന്ത്യയുള്ളൂ; പരസ്യമുണ്ടെങ്കിലെ പത്രമുള്ളു; മുസ്ലിം ലീ​ഗിന്റെ പ്രതിഷേധങ്ങൾക്ക് പുല്ലുവില; സുപ്രഭാതം ദിനപ്പത്രത്തിൽ വീണ്ടും എൽഡിഎഫിന്റെ പരസ്യം