കൊച്ചി: അനിയന്ത്രിതമായ കുതിപ്പിന് തടയിട്ടുകൊണ്ട് സംസ്ഥാനത്ത് സ്വർണവില ഇന്നും ഇടിഞ്ഞു. പവന് 1120 രൂപയാണ് ഇന്ന് കുറഞ്ഞത്. ഇതോടെ ഒരു പവൻ സ്വർണത്തിന്റെ ഇന്നത്തെ വില 52,920 രൂപയായി. ഗ്രാമിന് 140 രൂപയാണ് കുറഞ്ഞത്. ഒരു ഗ്രാം സ്വര്ണത്തിന്റെ വില 6615 രൂപയിലെത്തി.
മാർച്ച് മാസം 29ന് ആണ് ആദ്യമായി സ്വര്ണവില 50,000 കടന്നത്. അന്ന് ഒറ്റയടിക്ക് 440 രൂപ വര്ധിച്ച് സ്വർണത്തിനു 50,400 രൂപയിലെത്തി. പിന്നീടുള്ള ദിവസങ്ങളില് ഏറ്റക്കുറച്ചിലുകളിൽ നിന്ന സ്വര്ണവില ഈ മാസം മൂന്നാംതീയതി മുതലാണ് വീണ്ടും ഉയരാന് തുടങ്ങിയത്. 19ന് 54,500 കടന്ന് സ്വര്ണവില സര്വകാല റെക്കോര്ഡിട്ടു.
തുടര്ന്ന് ശനിയാഴ്ച മുതല് വില കുറയാന് തുടങ്ങിയത്. മൂന്ന് ദിവസത്തിനിടെ 1600 രൂപയാണ് കുറഞ്ഞത്. അന്താരാഷ്ട്ര വിപണിയില് ഉണ്ടാകുന്ന മാറ്റമാണ് കേരളത്തിലും സ്വർണവിലയിൽ ചാഞ്ചാട്ടം സംഭവിക്കുന്നത്.
Read Also: മംഗളാദേവി ചിത്രാപൗര്ണമി ഉത്സവത്തിന് തുടക്കമായി
