തൃശ്ശൂർ: മാന്ദാമംഗലത്ത് കിണറ്റിൽ വീണ കാട്ടാന ചരിഞ്ഞു. വെള്ളക്കാരിത്തടം ആനക്കുഴി സ്വദേശി കുരിക്കാശ്ശേരി സുരേന്ദ്രൻ്റെ കിണറ്റിൽ വീണ കാട്ടാനയാണ് ചരിഞ്ഞത്. ഇന്നലെ രാത്രി ഒന്നരയോടെയാണ് ആന കിണറ്റില്‍ വീണത്. മണിക്കൂറുകളോളം ആന കിണറ്റിൽ കിടന്നിരുന്നു. ജെസിബി ഉപയോഗിച്ച് മണ്ണ് മാറ്റി ആനയെ കരയ്ക്കുകയറ്റാനുള്ള ശ്രമങ്ങള്‍ ആരംഭിച്ചെങ്കിലും ആനയെ രക്ഷിക്കാനായില്ല.

വലിയ കൊമ്പും വിടർന്ന മസ്തകവും ഉള്ള ആനയാണ് കിണറ്റില്‍ വീണത്. ആനയുടെ മസ്തകത്തിന് പരിക്കേറ്റതായി സംശയമുണ്ട്. വീഴ്ചയുടെ ആഘാതമാണ് മരണ കാരണമെന്നാണ് പ്രാഥമിക നിഗമനം.

Read Also: ഇര തേടി വരുന്ന പുലി കെണിതേടി വരുമോ? ഹൈറേഞ്ച് വിട്ട് ലോ റേഞ്ചിൽ വേട്ടക്കിറങ്ങിയ പുളളിപ്പുലിക്ക് കെണിയൊരുക്കി വനംവകുപ്പ്; കൂട് സ്ഥാപിച്ചത് തൊടുപുഴ ഇല്ലിചാരി കുരിശുമലയിൽ