വിമാനത്തിൽ വച്ച് ദേഹാസ്വാസ്ഥ്യ ഉണ്ടായതിനെ തുടർന്ന് മസ്കറ്റില് നിന്ന് നാട്ടിലേക്ക് വരികയായിരുന്ന പ്രവാസി യുവാവ് മരിച്ചു. വടകര സ്വദേശി ചന്ദ്രിക ആശീര്വാദ് വീട്ടില് സച്ചിന് (42) ആണ് മരിച്ചത്. മസ്കറ്റില്നിന്ന് വെള്ളിയാഴ്ച പുലര്ച്ചെ 2.30ന് കോഴിക്കോട്ടേക്കുള്ള എയര് ഇന്ത്യഎക്സ്പ്രസ് വിമാനത്തിലായിരുന്നു സംഭവം. വിമാനം ലാന്ഡ് ചെയ്യുന്നതിന് അല്പസമയം മുൻപ് മുമ്പ് ഇദ്ദേഹത്തിന് ദേഹാസ്വാസ്ഥ്യം അനുഭവപ്പെടുകയായിരുന്നു. ലാന്ഡ് ചെയ്തയുടൻ അടിയന്തര വൈദ്യസഹായം ലഭ്യമാക്കിയെങ്കിലും പരിശോധന നടത്തിയ മെഡിക്കല് സംഘ മരണം സ്ഥിരീകരിച്ചു. അല്മറായിയുടെ സുഹാര് ബ്രഞ്ചില് സെയില്സ് സൂപ്പര്വൈസറായിരുന്നു. ഭാര്യ: ഷെര്ലി. മകന്: ആരോണ്. രണ്ട് വര്ഷമായി ഒമാനിലെ സുഹാറില് ജോലി ചെയ്യുകയായിരുന്നു.
Read also: അതിശക്തമായ മഴയെത്തും: യുഎഇയിൽ ജാഗ്രത മുന്നറിയിപ്പ്: ഏതു സാഹചര്യവും നേരിടാൻ പൂർണ്ണ സജ്ജമെന്ന് അധികൃതർ
