പ്രധാനമന്ത്രി നരേന്ദ്രമോദി കേരളത്തിലെത്തി; നാളെ ആറ്റിങ്ങലും ആലത്തൂരും പ്രചാരണത്തിനെത്തും

ലോക്സഭാ തിരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്രമോദി കേരളത്തിലെത്തി. കൊച്ചിയിലെത്തിയ നരേന്ദ്രമോദി നാളെ ആലത്തൂരിലും ആറ്റിങ്ങലിലും പ്രചാരണ യോഗങ്ങളില്‍ പങ്കെടുക്കും. നെടുമ്പാശ്ശേരിയില്‍ ഇറങ്ങിയ മോദി ഹെലികോപ്ടര്‍ മാര്‍ഗമാണ്‌ കൊച്ചി നാവിക സേനാ താവളത്തിലെത്തുക. പ്രധാനമന്തി ഇന്ന് തങ്ങുക എറണാകുളം ഗസ്റ്റ് ഹൗസില്‍ ആയിരിക്കും. തിങ്കളാഴ്ച രാവിലെ ആലത്തൂര്‍ മണ്ഡലത്തിലെ കുന്നംകുളത്ത് പ്രധാനമന്ത്രി പ്രചാരണത്തിന് ഇറങ്ങും. ഇതിനു ശേഷമായിരിക്കും ആറ്റിങ്ങല്‍ മണ്ഡലത്തിലെ കാട്ടാക്കടയിലെ പ്രചാരണ പരിപാടിക്ക് പ്രധാനമന്ത്രി എത്തുക. നടി ശോഭനയുൾപ്പെടെ നാളെ മോദിയുടെ പ്രചാരണ പരിപാടിയുടെ ഭാഗമാകും.

Read also: ബിജെപി സ്ഥാനാർഥി രാജീവ് ചന്ദ്രശേഖറിന് പിന്തുണ പ്രഖ്യാപിച്ച് നടി ശോഭന; സ്ഥാനാര്‍ത്ഥിപര്യടനത്തിലും പങ്കെടുക്കും; നാളെ മോദിയോടൊപ്പം വേദിയിലെത്തും