കോട്ടയം: രാജിവെച്ച യു.ഡി.എഫ്. ജില്ലാ ചെയർമാനും കേരള കോൺഗ്രസ് ജോസഫ് വിഭാഗം ജില്ലാ പ്രസിഡന്റുമായിരുന്ന സജി മഞ്ഞക്കടമ്പിൽ കേരള കോൺഗ്രസ് എമ്മിൽ ചേർന്നേക്കും. പാലായിലെ ജോസഫ് വിഭാഗത്തിന്റെ ഓഫീസിൽ വെച്ചിരുന്ന കെ.എം. മാണിയുടെ ചിത്രം സജി മഞ്ഞക്കടമ്പിൽ എടുത്തുകൊണ്ടുപോയി.
താൻ ഇവിടെ ഒരു വസ്തുവെച്ചിട്ടുണ്ടെന്നും അത് എടുത്തുകൊണ്ടു പോകുകയാണെന്നും പറഞ്ഞാണ് സജി പാർട്ടി ഓഫീസിലെത്തി മാണിയുടെ ചിത്രം ‘മാണി സാറുമായുള്ള ബന്ധം വൈകാരികമാണ്. നാളെ മാണിസാറിന്റെ ചരമദിനമാണ്. അദ്ദേഹത്തിന്റെ ചിത്രത്തിൽ പുഷ്പാർച്ചന നടത്തണം’, സജി പറഞ്ഞു.
കേരള കോൺഗ്രസിന്റെ ജില്ലാ പ്രസിഡന്റായ തന്നെ മോൻസ് ജോസഫിന്റെ ധിക്കാരപരമായ സമീപനത്തിൽ പ്രവർത്തിക്കാൻ അനുദിക്കുന്നില്ലെന്നും സജി ആരോപിച്ചു. കഴിഞ്ഞ ദിവസമാണ് യുഡിഎഫ് ജില്ലാ ചെയർമാൻ സ്ഥാനവും കേരള കോൺഗ്രസ് ജില്ലാ അധ്യക്ഷസ്ഥാനവും സജി മഞ്ഞക്കടമ്പിൽ രാജിവെച്ചത്. പിന്നാലെ സജിയെ പുകഴ്ത്തി കേരള കോൺഗ്രസ് എം. ചെയർമാൻ ജോസ് കെ. മാണി രംഗത്തെത്തിയിരുന്നു.
അദ്ദേഹത്തിന്റെ രാജി യു.ഡി.എഫിനെ ബാധിക്കുമെന്നും മുന്നണിയുടെ ജില്ലയിലെ ഒന്നാമനാണ് വിട്ടുപോയതെന്നും ജോസ് പ്രതികരിക്കുകയുണ്ടായി.
