പാലക്കാട്: ആലത്തൂര് പൊലീസ് സ്റ്റേഷന്റെ ഉള്ളിൽ യുവാവ് ആത്മഹത്യക്ക് ശ്രമിച്ചു. ഇന്ന് ഉച്ചക്ക് 1.30 ഓടെയാണ് സംഭവം. കാവശ്ശേരി സ്വദേശി രാജേഷാണ് മണ്ണെണ്ണയൊഴിച്ച് തീകൊളുത്തി ആത്മഹത്യക്ക് ശ്രമിച്ചത്. ഗുരുതരമായി പൊള്ളലേറ്റ രാജേഷ് ആശുപത്രിയില് ചികിത്സയില് തുടരുകയാണ്.
കഴിഞ്ഞ ദിവസം യുവതി നല്കിയ പരാതിയില് രാജേഷിനെ പൊലീസ് സ്റ്റേഷനിലേക്ക് വിളിപ്പിച്ചിരുന്നു. തുടര്ന്ന് പരാതി ഒത്തുതീര്പ്പാക്കി. ഇതിനെത്തുടര്ന്നുള്ള മാനസിക വിഷമത്തിലാണ് യുവാവ് സ്റ്റേഷനിലെത്തി ആത്മഹത്യക്ക് ശ്രമിച്ചതെന്നാണ് പ്രാഥമിക നിഗമനം.
Read Also: ആറാട്ടുപുഴയിൽ വീണ്ടും ആനയിടഞ്ഞു; സംഭവം ചിത്രീകരിക്കാൻ ശ്രമിച്ച യുവാവിന് നാട്ടുകാരുടെ മർദനമേറ്റു
