നടൻ ഗോവിന്ദ ശിവസേനയിലേക്ക്. മുംബൈ നോർത്ത് വെസ്റ്റിൽ അദ്ദേഹത്തെ സ്ഥാനാർഥിയാക്കാനാണു നീക്കം നടക്കുന്നത്. മുഖ്യമന്ത്രി ഏക്‌നാഥ് ഷിൻഡെ ഗോവിന്ദയുമായി കൂടിക്കാഴ്ച നടത്തി. ഷിന്‍ഡെയുടെ സാന്നിധ്യത്തിലാവും ഗോവിന്ദയുടെ പാര്‍ട്ടി പ്രവേശനം. 2004ലെ ലോക്‌സഭാ തെരഞ്ഞെടുപ്പില്‍ നോര്‍ത്ത് മുംബൈ മണ്ഡലത്തില്‍ നിന്ന് കോണ്‍ഗ്രസ് സ്ഥാനാര്‍ഥിയായി മത്സരിച്ച ഗോവിന്ദ ബിജെപിയുടെ മുതിര്‍ന്ന നേതാവ് രാംനായിക്കിനെ പരാജയപ്പെടുത്തിയിരുന്നു.
മകനെ ഉദ്ധവ് വിഭാഗം സ്ഥാനാർത്ഥിയാക്കിയത്തിൽ പ്രതിഷേധിച്ച് സിറ്റിംഗ് എംപി ഗജാനന്ത് കീർത്തിക്കർ പിന്മാറിയതോടെയാണ് ഗോവിന്ദയെ സ്ഥാനാർത്ഥിയാക്കാൻ നീക്കം നടക്കുന്നത്. മണ്ഡലത്തില്‍ പ്രായം പരിഗണിച്ചാണ് ഗജാനന്‍ കിര്‍തികറിനെ മാറ്റിയതെന്നാണ് ശിവസേന നേതാക്കള്‍ പറയുന്നു.
