വിദേശരാജ്യങ്ങളിലെ പഠനത്തിനായി 2017 – 22 കാലഘട്ടത്തിൽ 1.83 ലക്ഷം വിദ്യാർഥികളാണ് വിദേശപഠനത്തിനായി ഇന്ത്യ വിട്ടത്. ഇവരിൽ ഏറെയും കുടിയേറിയത് കാനഡയിലായിരുന്നു. എന്നാൽ അടുത്തിടെ ഉണ്ടായ ഇന്ത്യ കാനഡ തർക്കങ്ങൾ ഇന്ത്യൻ വിദ്യാർഥികൾക്കുള്ള അവസരങ്ങൾ കുറയ്ക്കുമെന്ന ആശങ്കയ്ക്ക് കാരണമായിട്ടുണ്ട്. കാനഡയിൽ അവസരങ്ങൾ കുറഞ്ഞാലും ജർമനി ഇന്ത്യൻ വിദ്യാർഥികൾക്ക് ഏറെ പ്രതീക്ഷ നൽകുന്നുണ്ട്.
അടുത്തകാലത്തായി ജർമനിയിലെ സർകലാശാലകളെ ഇന്ത്യൻ വിദ്യാർഥികൾക്ക് കൂടുതലായി ആശ്രയിക്കുന്നുവെന്നും പഠനങ്ങൾ പറയുന്നു. ജർമൻ അക്കാദമിക് എക്സ്ചേഞ്ച് സർവീസിന്റെ കണക്ക് അനുസരിച്ച് 2022-23 കാലത്തെ ശൈത്യകാല സെമസ്റ്ററിൽ ജർമനിയിലേയ്ക്ക് എത്തുന്ന ഇന്ത്യൻ വിദ്യാർഥികളുടെ എണ്ണത്തിൽ 26 ശതമാനം വർധനവ് ഉണ്ടായിട്ടുണ്ട്. 42997 വിദ്യാർഥിക്കളാണ് ഇക്കാലയളവിൽ ജർമനിയിലെ സർവകലാശാലകളിൽ ചേർന്നത്. വരും വർഷങ്ങളിൽ ജർമനിയിലെത്തുന്ന ഇന്ത്യൻ വിദ്യാർഥികളുടെ എണ്ണം വീണ്ടും വർധിയ്ക്കുമെന്നാണ് നിഗമനം.
എന്തുകൊണ്ട് ജർമനി ആകർഷകമാകുന്നു.
* ജർമനിയിലെ പൊതു സർവകലാശാലകൾ അന്താരാഷ്ട്ര വിദ്യാർഥികൾക്ക് സൗജന്യ പഠനം വാഗ്ദ്ധാനം ചെയ്യുന്നു. സ്വകാര്യ സർവകലാശാലകളിലും കുറഞ്ഞ ഫീസാണ് ഈടാക്കുന്നത്.
* മറ്റു യൂറോപ്യൻ രാജ്യങ്ങളെ അപേക്ഷിച്ച് ജർമനിയിലെ ജീവിതച്ചെലവ് കുറവാണ്.
*ജർമൻ സർവകലാശാലകളിൽ നിന്നും നേടുന്ന ബിരുദത്തിന് രാജ്യത്തും അന്താരാഷ്ട്ര തലത്തിലും ഉയർന്ന ഡിമാൻഡാണ്.
* ജർമനിയിൽ ധാരാളം തൊഴിലവസരങ്ങളുണ്ട്. ശക്തമായ സമ്പദ് വ്യവസ്ഥയുള്ള ജർമനിയിൽ വിദഗ്ദ്ധ തൊഴിലാളികൾക്ക് ഏറെ അവസരങ്ങളുണ്ട്.
* പഠനം കഴിഞ്ഞാലും ഒന്നര വർഷം വരെ ജർമനിയിൽ തുടരാൻ പോസ്റ്റ് – സ്റ്റഡി വർക്ക് പെർമിറ്റ് ലഭിയ്ക്കും.
*വിദ്യാർഥികൾക്ക് പഠനച്ചെലവ് കണ്ടെത്താൻ ഒട്ടേറെ സ്കോളർഷിപ്പുകളും ജർമനിയിലുണ്ട്.
