തണ്ണീർ മത്തൻ ദിനങ്ങൾ, സൂപ്പർ ശരണ്യ എന്നീ ചിത്രങ്ങൾക്ക് ശേഷം നസ്‌ലിൻ, മമിത ബൈജു എന്നിവർ കേന്ദ്രകഥാപാത്രങ്ങളെ അവതരിപ്പിക്കുന്ന ചിത്രം പ്രേമലു’വിന്റെ ട്രെയ്‌ലർ പുറത്ത്. ഒരു മുഴുനീള റൊമാന്റിക്‌ കോമഡി എന്റർടെയ്നർ ആയിരിക്കുമെന്ന സൂചനയാണ് ട്രെയിലർ നൽകുന്നത്. ഗിരീഷ് എ. ഡി സംവിധാനം ചെയ്യുന്ന ചിത്രത്തിന്റെ ചർച്ചയാണ് ഇപ്പോൾ സമൂഹമാധ്യമങ്ങളിൽ.ശ്യാം മോഹൻ, അഖില ഭാർഗവൻ, സംഗീത് പ്രതാപ്, അൽതാഫ് സലിം, മീനാക്ഷി രവീന്ദ്രൻ എന്നിവരാണ് ചിത്രത്തിലെ മറ്റ് താരങ്ങൾ. ഹൈദരാബാദ് പശ്ചാത്തലമായാണ് ചിത്രമൊരുങ്ങുന്നത്.
ഭാവന സ്റ്റുഡിയോസിന്റെ ബാനറിൽ ദിലീഷ് പോത്തൻ, ഫഹദ് ഫാസിൽ, ശ്യാം പുഷ്ക്കരൻ എന്നിവർ ചേർന്നാണ് പ്രേമലു നിർമ്മിക്കുന്നത്. കുമ്പളങ്ങി നൈറ്റ്സ്, ജോജി,പാൽതു ജാൻവർ, തങ്കം എന്നീ സിനിമകൾക്ക് ശേഷം ഭാവന സ്റ്റുഡിയോസിന്റെ ബാനറിൽ പുറത്തിറങ്ങുന്ന ഏറ്റവും പുതിയ ചിത്രമായതുകൊണ്ട് തന്നെ പ്രേമലുവിനു വേണ്ടിയും പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്.
വിഷ്ണു വിജയ് സംഗീതമൊരുക്കുന്ന ചിത്രത്തിൽ അജ്മൽ സാബു ആണ് ഛായാഗ്രഹണം നിർവഹിക്കുന്നത്. നേരത്തെ നെസ്‌ലെൻ നായകനായി ഗിരീഷ് എ. ഡി സംവിധാനം ചെയ്യുന്ന ‘കാതലൻ’ സിനിമയുടെ ഫസ്റ്റ്ലുക്ക് പോസ്റ്ററും പുറത്തുവന്നിരുന്നു.
Read Also : മലൈക്കോട്ടൈ വാലിബൻ എന്താണ് ഉദ്ദേശിക്കുന്നത് ? വിശദീകരണമായി പുതിയ പോസ്റ്റർ പങ്കുവച്ച് മോഹൻലാൽ !
