കാണാതായ വീട്ടമ്മയെ കിണറ്റിൽ മരിച്ച നിലയിൽ കണ്ടെത്തി
കോഴിക്കോട്: കഴിഞ്ഞ ദിവസം കാണാതായ മധ്യവയസ്കയെ വീടിനോട് ചേർന്ന കിണറ്റിൽ മരിച്ച നിലയിൽ കണ്ടെത്തി. കല്ലാച്ചി കോവിലകം റോഡിൽ താമസിക്കുന്ന താഴെ ഗൗരിശങ്കർ വീട്ടിൽ ഗീത (57) ആണ് മരിച്ചത്.
ഇന്ന് രാവിലെ ഏഴോടെയാണ് വീടിന്റെ പിന്വശത്തെ കിണറ്റിൽ മൃതദേഹം കണ്ടെത്തിയത്. കഴിഞ്ഞ ദിവസം രാവിലെ മുതൽ ഗീതയെ കാണാതായതിനെ തുടർന്ന് ബന്ധുക്കളും നാട്ടുകാരും ചേർന്ന് തിരച്ചിൽ നടത്തിയിരുന്നു.
മൃതദേഹം പുറത്തെടുത്ത് നാദാപുരം ഗവൺമെന്റ് താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
സംഭവത്തിൽ ഗീതയുടെ ബന്ധുവായ സജീവ് കുമാറിന്റെ പരാതിയിൽ നാദാപുരം പൊലീസ് കേസ് രജിസ്റ്റർ ചെയ്തു. ഇൻക്വസ്റ്റ് നടപടികൾക്ക് ശേഷം കുറ്റ്യാടി ഗവൺമെന്റ് താലൂക്ക് ആശുപത്രിയിൽ പോസ്റ്റ്മോർട്ടം പൂർത്തിയാക്കി മൃതദേഹം ബന്ധുക്കൾക്ക് വിട്ടുനൽകി.
പരേതനായ ശശിധരനാണ് ഭർത്താവ്. മക്കൾ: ജൂലി, ദീപക്. സംഭവത്തിൽ കൂടുതൽ അന്വേഷണം തുടരുകയാണ്.
English Summary
Kozhikode: A 57-year-old woman who had been missing was found dead in a well near her house in Kallachi. The deceased, Geetha, was discovered during a search by relatives and locals.
She was taken to Nadapuram Taluk Hospital but could not be revived. Police have registered a case and further investigation is underway.
