പാലിയേക്കരയിൽ ഡിജിറ്റൽ ടോൾ നിർദേശം വെറുതെയായി; ഇന്നും പഴയപടി പണപ്പിരിവ് തുടരുന്നു… എൻഎച്ച്എഐ ഉത്തരവ് നടപ്പിലാക്കാത്തതിൽ പ്രതിഷേധം
തൃശൂര്: ദേശീയപാത അതോറിറ്റിയുടെ ഡിജിറ്റൽ പേയ്മെന്റ് നിർദ്ദേശം നിലവിൽ വന്നിട്ടും പുതുക്കാട് പാലിയേക്കര ടോൾ പ്ലാസയിൽ ഇപ്പോഴും പഴയ രീതിയിൽ ടോൾ പിരിവ് തുടരുന്നു. രാജ്യത്തെ ടോൾ പ്ലാസുകളിൽ ഏപ്രിൽ 10 മുതൽ പൂർണമായും ഡിജിറ്റൽ സംവിധാനത്തിലേക്ക് മാറണമെന്ന് ദേശീയപാത അതോറിറ്റി ഓഫ് ഇന്ത്യ നിർദ്ദേശിച്ചിരുന്നുവെങ്കിലും പാലിയേക്കരയിൽ ഇതുവരെ നടപ്പായിട്ടില്ല.
ബി.ഒ.ടി അടിസ്ഥാനത്തിൽ പ്രവർത്തിക്കുന്ന പന്നിയങ്കര ടോള് പ്ലാസയിൽ നേരത്തെ യു.പി.ഐ സംവിധാനം നടപ്പാക്കിയിരുന്നുവെങ്കിലും പാലിയേക്കരയിൽ ഇപ്പോഴും നാണയവും പണവും സ്വീകരിച്ചാണ് ടോൾ പിരിവ് തുടരുന്നത്.
ഓൺലൈൻ പേയ്മെന്റ് സംവിധാനം ഉപയോഗിക്കാത്ത വാഹനയാത്രക്കാരുടെ എണ്ണം കൂടുതലാണെന്നതാണ് ഡിജിറ്റൽ സംവിധാനം പൂർണമായി നടപ്പാക്കാത്തതിന് ടോൾ പ്ലാസ അധികൃതർ നൽകുന്ന വിശദീകരണം. യു.പി.ഐ സൗകര്യമില്ലാത്ത സാഹചര്യത്തിൽ ഇ-ചലാൻ വഴി തുക ഈടാക്കണമെന്ന് എൻ.എച്ച്.എ.ഐ നിർദ്ദേശിച്ചിരുന്നെങ്കിലും അത് പ്രായോഗികമല്ലെന്ന നിലപാടിലാണ് അധികൃതർ.
ഡിജിറ്റൽ സംവിധാനം നടപ്പായാൽ ടോൾ പിരിവ് ഫാസ്റ്റാഗ് അല്ലെങ്കിൽ യു.പി.ഐ വഴിയാകും നടക്കുക. ഫാസ്റ്റാഗ് ഇല്ലാത്തവർക്കോ പ്രവർത്തനക്ഷമമല്ലാത്തവർക്കോ യു.പി.ഐ വഴി പണം അടയ്ക്കാം. എന്നാൽ ഈ രീതിയിൽ അടയ്ക്കുമ്പോൾ സാധാരണ ടോൾ തുകയ്ക്ക് പുറമെ 25 ശതമാനം അധിക തുക ഈടാക്കും.
ടോൾ പ്ലാസുകളിൽ കാഷ് ഇടപാടുകൾ കാരണം വാഹനങ്ങൾ നീണ്ടനേരം കാത്തുനിൽക്കേണ്ടിവരുന്നത് ഗതാഗതക്കുരുക്കിന് കാരണമാകുന്നുണ്ട്. ഡിജിറ്റൽ പേയ്മെന്റ് സംവിധാനം നടപ്പായാൽ ഗതാഗതം കൂടുതൽ സുതാര്യമാകുമെന്ന് അധികൃതർ പറയുന്നു.
ഇതിനൊപ്പം, സർക്കാർ ഉദ്യോഗസ്ഥരുടെ ഐഡി കാർഡ് കാണിച്ച് ലഭിച്ചിരുന്ന ടോൾ ഇളവുകൾ ഇനി നൽകില്ലെന്നും, പ്രത്യേക ഫാസ്റ്റാഗ് ഘടിപ്പിച്ച ഔദ്യോഗിക വാഹനങ്ങൾക്കു മാത്രമേ ഇളവ് ലഭിക്കൂവെന്നും ദേശീയപാത അതോറിറ്റി വ്യക്തമാക്കി.
English Summary
Despite NHAI’s directive to implement fully digital toll collection from April 10, the Paliyekkara toll plaza in Thrissur continues to follow the old system. Authorities cite low adoption of digital payments among users as the reason. Under the new system, payments must be made via FASTag or UPI, with an extra 25% charge for non-FASTag users. The move aims to reduce traffic congestion and disputes at toll booths.
paliyekkara-toll-digital-payment-delay-nhai-kerala
Paliyekkara Toll Plaza, NHAI, Digital Toll, FASTag, UPI Payment, Kerala News, Thrissur News, Highway Toll, Traffic News, India Infrastructure
