യുഡിഎഫ് തരംഗമെന്ന് പ്രവചനം; 91–102 സീറ്റുകൾ വരെ നേടുമെന്ന് റാഷിദ് സി.പി

യുഡിഎഫ് തരംഗമെന്ന് പ്രവചനം; 91–102 സീറ്റുകൾ വരെ നേടുമെന്ന് റാഷിദ് സി.പി

തിരുവനന്തപുരം: നിയമസഭാ തെരഞ്ഞെടുപ്പിൽ വോട്ടെടുപ്പ് അവസാനിച്ചതിന് പിന്നാലെ യുഡിഎഫിന് അനുകൂല തരംഗമുണ്ടാകുമെന്ന് പ്രവചിച്ച് രാഷ്ട്രീയ നിരീക്ഷകൻ റാഷിദ് സി.പി രംഗത്ത്. മുൻ തെരഞ്ഞെടുപ്പുകളിൽ കൃത്യമായ പ്രവചനങ്ങളിലൂടെ ശ്രദ്ധ നേടിയ അദ്ദേഹം, ഇത്തവണ യുഡിഎഫ് 91 മുതൽ 102 സീറ്റുകൾ വരെ നേടാമെന്ന് വിലയിരുത്തുന്നു.

എൽഡിഎഫ് 38 മുതൽ 48 സീറ്റുകളിലേക്ക് ചുരുങ്ങുമെന്നും, എൻഡിഎയ്ക്ക് 1 മുതൽ 3 സീറ്റുകൾ വരെ ലഭിക്കാമെന്നുമാണ് അദ്ദേഹത്തിന്റെ പ്രവചനം.

2001ന് ശേഷം ആദ്യമായി ഇടതുപക്ഷത്തോട് ചേർന്നിരുന്ന ന്യൂനപക്ഷ വോട്ടുകളിൽ വലിയ തോതിൽ മാറ്റമുണ്ടായതായി റാഷിദ് ഫേസ്ബുക്ക് കുറിപ്പിൽ ചൂണ്ടിക്കാട്ടി. സ്വജനപക്ഷ ആരോപണങ്ങളും രാഷ്ട്രീയ നിലപാടുകളിലെ അസ്ഥിരതയും ഇടത് അനുകൂല വോട്ടർമാരെ നിരാശപ്പെടുത്തിയെന്നും അദ്ദേഹം വിലയിരുത്തുന്നു.

മുഖ്യമന്ത്രിയുടെ വ്യക്തിപരമായ ജനപ്രീതിയിൽ ഇടിവ് സംഭവിച്ചതും ഇടതുപക്ഷത്തിന് തിരിച്ചടിയായ കാരണങ്ങളിൽ ഒന്നാണെന്നും റാഷിദ് വ്യക്തമാക്കി.

English Summary

Political observer Rashid CP predicts a strong wave in favor of UDF in the Kerala Assembly elections, estimating 91–102 seats for the front.

He also predicts LDF to be limited to 38–48 seats and NDA to win 1–3 seats, citing minority vote shifts and dissatisfaction among voters.