തൃശൂർ: തിരഞ്ഞെടുപ്പ് ചൂടിനിടയിൽ തൃശൂരിൽ രാഷ്ട്രീയ കേരളത്തെ ഞെട്ടിക്കുന്ന കിറ്റ് വിവാദം പുതിയ തലത്തിലേക്ക്.
വാടാനപ്പള്ളിയിൽ വോട്ടർമാരെ സ്വാധീനിക്കാൻ ഭക്ഷ്യക്കിറ്റുകൾ തയ്യാറാക്കിയെന്ന പരാതിയിൽ പോലീസ് കേസെടുത്തു. ചാവക്കാട് മജിസ്ട്രേറ്റിന്റെ കർശന നിർദ്ദേശത്തെത്തുടർന്നാണ് നടപടി.
ലക്ഷങ്ങൾ വിലമതിക്കുന്ന സാധന സാമഗ്രികൾ; ഗോഡൗൺ കേന്ദ്രീകരിച്ച് നടന്നത് വൻ നീക്കമെന്ന് എഫ്.ഐ.ആർ റിപ്പോർട്ട്
ചാമ്പ്യൻസ് ട്രേഡേഴ്സ് എന്ന സ്ഥാപനത്തിന്റെ ഉടമ പ്രവീൺ ജിത്തിനെ ഒന്നാം പ്രതിയാക്കിയാണ് പോലീസ് എഫ്.ഐ.ആർ രജിസ്റ്റർ ചെയ്തിരിക്കുന്നത്.
കിറ്റുകൾ ഓർഡർ ചെയ്ത അജ്ഞാതനെ രണ്ടാം പ്രതിയായും ചേർത്തു. പിടിച്ചെടുത്ത കിറ്റുകളിൽ 72,542 രൂപ വില വരുന്ന നിത്യോപയോഗ സാധനങ്ങളാണ് ഉണ്ടായിരുന്നത്.
മണലൂർ മണ്ഡലത്തിൽ വിതരണം ചെയ്യാനാണ് ഇവ പായ്ക്ക് ചെയ്തതെന്നാണ് പ്രാഥമിക നിഗമനം.
സംഭവസ്ഥലത്ത് നിന്ന് കിറ്റുകൾ കണ്ടെടുത്തതായി തിരഞ്ഞെടുപ്പ് കമ്മീഷൻ പോലീസിന് റിപ്പോർട്ട് നൽകിയിട്ടുണ്ട്.
പ്രതാപന്റെ വെളിപ്പെടുത്തലും എൻ.ഡി.എയുടെ വെല്ലുവിളിയും; കിറ്റ് രാഷ്ട്രീയത്തിൽ തൃശൂർ മണ്ഡലം കത്തുന്നു
കിറ്റുകൾ തയ്യാറാക്കിയതിന് കൃത്യമായ തെളിവുണ്ടെന്നും അത് പോലീസിന് കൈമാറിയിട്ടുണ്ടെന്നും ടി.എൻ. പ്രതാപൻ മാധ്യമങ്ങളോട് പറഞ്ഞു.
കിറ്റുകൾ പോലീസ് വാഹനത്തിൽ കയറ്റി കൊണ്ടുപോകുന്നത് നാട്ടുകാർ നേരിട്ടു കണ്ടതാണെന്നും അദ്ദേഹം ആരോപിച്ചു.
എന്നാൽ ഈ ആരോപണങ്ങളെല്ലാം പ്രതാപൻ കെട്ടിച്ചമച്ച നാടകമാണെന്നാണ് ബിജെപി പക്ഷം പറയുന്നത്.
വോട്ടർമാർക്ക് ഒരൊറ്റ കിറ്റെങ്കിലും വിതരണം ചെയ്തതായി തെളിയിക്കാൻ എൻ.ഡി.എ സ്ഥാനാർത്ഥി പ്രതാപനെ പരസ്യമായി വെല്ലുവിളിച്ചു.
ഡൽഹി സർവകലാശാലയിൽ ബോംബ് ഭീഷണി; രാംജാസ്, മിറാൻഡ കോളേജുകൾ ഒഴിപ്പിച്ചു
മുന്നണികൾ തമ്മിൽ തെരുവിൽ ഏറ്റുമുട്ടി; സംഘർഷം നിയന്ത്രിക്കാൻ ഒടുവിൽ കേന്ദ്ര സേനയും രംഗത്തേക്ക്
വാടാനപ്പള്ളിയിലെ സ്വകാര്യ വ്യക്തിയുടെ വീടിനോട് ചേർന്ന ഗോഡൗണിൽ കിറ്റുകൾ തയ്യാറാക്കുന്നുണ്ടെന്ന വാർത്ത പരന്നതോടെ യു.ഡി.എഫ് – എൽ.ഡി.എഫ് പ്രവർത്തകർ ഇവിടേക്ക് ഇരച്ചെത്തി.
തൊട്ടുപിന്നാലെ ബിജെപി പ്രവർത്തകരും എത്തിയതോടെ പ്രദേശം യുദ്ധക്കളമായി മാറി.
പ്രവർത്തകർ തമ്മിൽ ഉന്തും തള്ളും ഉണ്ടായതിനെത്തുടർന്ന് സ്ഥിതിഗതികൾ നിയന്ത്രിക്കാൻ കേന്ദ്ര സേനയ്ക്ക് ഇടപെടേണ്ടി വന്നു.
സ്വന്തം പാർട്ടിയിൽ നിന്ന് പാര; പ്രതാപന്റേത് ബിജെപിയുമായുള്ള ഒത്തുകളിയെന്ന് പ്രാദേശിക കോൺഗ്രസ് നേതൃത്വം
വിവാദം കത്തിനിൽക്കെ കോൺഗ്രസിനെ വെട്ടിലാക്കി പാർട്ടിക്കുള്ളിൽ നിന്ന് തന്നെ വിമർശനം ഉയർന്നു.
കിറ്റ് വിവാദം ടി.എൻ. പ്രതാപനും ബിജെപിയും ചേർന്ന് നടത്തുന്ന നാടകമാണെന്ന് നാട്ടികയിലെ കോൺഗ്രസ് ബ്ലോക്ക് വൈസ് പ്രസിഡന്റ് ഫിറോസ് ആരോപിച്ചു.
പ്രതാപന്റെ നടപടികൾ പാർട്ടിയെ പ്രതിരോധത്തിലാക്കുന്നുവെന്ന രൂക്ഷമായ വിമർശനമാണ് അദ്ദേഹം ഉന്നയിച്ചത്.
ഒളരിക്കരയിൽ കിറ്റ് വിതരണം ചെയ്ത സംഭവത്തിൽ നേരത്തെ ബിജെപി പ്രാദേശിക നേതാവ് രാധാകൃഷ്ണനെതിരെയും പോലീസ് കേസെടുത്തിരുന്നു.
English Summary
The Vadanappally food kit controversy in Thrissur has escalated with the police registering a case against the owner of Champions Traders and the person who ordered the kits. Following the Chavakkad Magistrate’s order, investigations revealed kits worth over ₹72,000 intended for the Manalur constituency. While TN Prathapan claims to have proof of the distribution, the NDA candidate challenged him to produce evidence. Interestingly, local Congress leaders have accused Prathapan of staging a drama in collusion with the BJP, adding a new twist to the ongoing election heat.
