കൊച്ചിയിൽ ‘ഇന്ദിര കന്റീൻ’ തരംഗം; രണ്ടാഴ്ച കൊണ്ട് വിറ്റത് മുപ്പതിനായിരത്തിലേറെ ഇഡ്ഡലി!
കൊച്ചി: കുറഞ്ഞ വിലയിൽ ഭക്ഷണം ലഭ്യമാക്കാൻ Kochi Corporation ആരംഭിച്ച ‘ഇന്ദിര കന്റീൻ’ പദ്ധതിക്ക് തുടക്കത്തിൽ തന്നെ വൻ ജനപിന്തുണ. ഇടപ്പള്ളി സോണൽ ഓഫീസിൽ പ്രവർത്തനം ആരംഭിച്ച കന്റീനിൽ ഉദ്ഘാടനം കഴിഞ്ഞ് രണ്ടാഴ്ചയ്ക്കിടെ പ്രഭാതഭക്ഷണമായി 10,268 ഇഡ്ഡലി സെറ്റുകൾ വിറ്റഴിഞ്ഞു. ഒരു സെറ്റിൽ മൂന്ന് ഇഡ്ഡലി കണക്കാക്കുമ്പോൾ ആകെ 30,804 ഇഡ്ഡലികളാണ് വിറ്റത്. ഒരു സെറ്റിന്റെ വില 10 രൂപയാണ്.
ഉച്ചഭക്ഷണമായി 30 രൂപയ്ക്ക് നൽകുന്ന കഞ്ഞി 7,300 എണ്ണം വിറ്റപ്പോൾ, വൈകിട്ട് 10 രൂപയ്ക്കുള്ള ചപ്പാത്തി സെറ്റ് 8,200 എണ്ണം വിറ്റതായി കണക്കുകൾ വ്യക്തമാക്കുന്നു.
കോർപറേഷന്റെ 50 ദിന കർമ പദ്ധതിയിലും ഡപ്യൂട്ടി മേയർ Deepak Joy അവതരിപ്പിച്ച ബജറ്റിലും ഉൾപ്പെട്ട ഈ പദ്ധതിയിലൂടെ ദിവസത്തെ ഭക്ഷണം 50 രൂപയ്ക്കുള്ളിൽ നൽകുകയാണ് ലക്ഷ്യം.
കുറഞ്ഞ നിരക്കിലുള്ള ഭക്ഷണത്തിനൊപ്പം കപ്പ, ബിരിയാണി, ഫിഷ്, ബീഫ്, ചിക്കൻ കറി, പൊതിച്ചോറ്, അപ്പം, ഇടിയപ്പം തുടങ്ങിയ വിഭവങ്ങളും സാധാരണ നിരക്കിൽ ലഭ്യമാണ്. ‘സമൃദ്ധി @ കൊച്ചി’ എന്ന കോർപറേഷന്റെ ജനകീയ ഹോട്ടലിൽ നിന്നാണ് കന്റീനിലേക്ക് ഭക്ഷണം എത്തിക്കുന്നത്.
ഇടപ്പള്ളി മേഖലയിൽ താമസിക്കുന്ന വിദ്യാർഥികൾ ഉൾപ്പെടെയുള്ളവർ കന്റീനെ ആശ്രയിച്ച് ഭക്ഷണം കഴിക്കുന്നുണ്ട്. ഹോസ്റ്റൽ താമസക്കാരർക്കു കുറഞ്ഞ ചെലവിൽ ഭക്ഷണം ലഭ്യമാകുന്നത് വലിയ ആശ്വാസമാണ്. പല ദിവസങ്ങളിലും കന്റീനിനു മുന്നിൽ നീണ്ട നിരയാണ് കാണപ്പെടുന്നത്.
അടുത്ത ഘട്ടത്തിൽ പശ്ചിമ കൊച്ചിയിലും ഇന്ദിര കന്റീൻ ആരംഭിക്കാൻ കോർപറേഷൻ പദ്ധതി തയ്യാറാക്കുന്നു.
അതേസമയം, വാണിജ്യ പാചകവാതക ക്ഷാമം രൂക്ഷമായതോടെ ‘സമൃദ്ധി @ കൊച്ചി’യിൽ വിറകടുപ്പിൽ പാചകം നടത്തേണ്ട സാഹചര്യമുണ്ട്. ദിവസേന 30 മുതൽ 32 വരെ ഗ്യാസ് സിലിണ്ടറുകൾ ആവശ്യമുള്ളപ്പോൾ നിലവിൽ 10 എണ്ണം മാത്രമാണ് ലഭിക്കുന്നത്.
English Summary
The “Indira Canteen” launched by Kochi Corporation to provide affordable meals has become an instant success. Within two weeks, over 30,000 idlis were sold, along with thousands of meals like porridge and chapathi sets. The initiative aims to offer a full day’s meals for just ₹50. Students and hostel residents are among the main beneficiaries. Due to high demand, long queues are common. The corporation plans to expand the project to other parts of Kochi, despite facing challenges like a shortage of cooking gas.
indira-canteen-kochi-affordable-food-superhit
Kochi Corporation, Indira Canteen, Affordable Food, Kerala News, Public Welfare, Deepak Joy, Kochi News, Food Scheme
