എൽപിജി പ്രതിസന്ധിക്കിടെ ആശ്വാസം; 93,000 മെട്രിക് ടൺ എൽപിജിയുമായി കപ്പലുകൾ മുന്ദ്ര തുറമുഖത്തേക്ക്
ഡല്ഹി: രാജ്യത്തെ എൽപിജി വിതരണവുമായി ബന്ധപ്പെട്ട ആശങ്കകൾക്കിടെ ആശ്വാസവാർത്തയായി വലിയ തോതിൽ പാചകവാതകവുമായി രണ്ട് ഇന്ത്യൻ ടാങ്കറുകൾ ഗുജറാത്തിലെ മുന്ദ്ര തുറമുഖത്തേക്ക് എത്തുന്നു.
ഏകദേശം 93,000 മെട്രിക് ടൺ എൽപിജിയുമായി എത്തുന്ന കപ്പലുകൾ രാജ്യത്തെ വിതരണത്തിന് സഹായകരമാകുമെന്നാണ് കേന്ദ്രം വ്യക്തമാക്കുന്നത്.
‘ശിവാലിക്’ ഇന്ന് മുന്ദ്രയിൽ എത്തും
അധികൃതരുടെ വിവരപ്രകാരം ‘ശിവാലിക്’ എന്ന ടാങ്കർ ഇന്ന് മുന്ദ്ര തുറമുഖത്ത് എത്തും. അതേസമയം ‘നന്ദാദേവി’ എന്ന മറ്റൊരു കപ്പൽ ചൊവ്വാഴ്ച തീരത്തെത്തും. രണ്ട് കപ്പലുകളിലുമായി ഏകദേശം 93,000 മെട്രിക് ടൺ എൽപിജി ഉണ്ടെന്നാണ് കണക്ക്.
സാമ്പത്തിക കാര്യങ്ങളിൽ പുരോഗതി; ചിലർക്കു നേട്ടദിനം; ഇന്നത്തെ നക്ഷത്രഫലം
രാജ്യത്തെ എൽപിജി ഉപയോഗം ഉയർന്ന നിലയിൽ
ഇന്ത്യയിൽ പ്രതിവർഷം ഏകദേശം 31.3 ദശലക്ഷം മെട്രിക് ടൺ എൽപിജിയാണ് ഉപയോഗിക്കുന്നത്. പ്രതിമാസ ശരാശരി ഉപഭോഗം 2.5 ദശലക്ഷം ടണ്ണിലധികം വരും. രാജ്യത്ത് 33 കോടിയിലധികം ഗാർഹിക കണക്ഷനുകൾ നിലവിലുണ്ട്.
ദിനംപ്രതി ഏകദേശം 80,000 ടൺ എൽപിജി ഉപയോഗിക്കുന്നതായും അതിൽ 85 ശതമാനം ഗാർഹിക പാചകത്തിനായി ഉപയോഗിക്കുന്നതായും കണക്കുകൾ സൂചിപ്പിക്കുന്നു.
ഇറാനുമായി ചർച്ച തുടരുന്നു
കൂടുതൽ എൽപിജി ടാങ്കറുകൾക്ക് സുരക്ഷിതമായി യാത്ര ചെയ്യാൻ അനുമതി ലഭ്യമാക്കുന്നതിനായി ഇറാനുമായി ചർച്ചകൾ തുടരുകയാണെന്ന് കേന്ദ്രം അറിയിച്ചു.
പ്രധാനമന്ത്രി നരേന്ദ്ര മോദിയും ഇറാൻ പ്രസിഡന്റും നടത്തിയ ചർച്ചകൾക്ക് പിന്നാലെയാണ് ഇന്ത്യൻ ടാങ്കറുകൾക്ക് ഹോർമുസ് കടലിടുക്ക് കടക്കാൻ സാധിച്ചതെന്ന് കേന്ദ്രം വ്യക്തമാക്കി.
ഖത്തറിൽ നിന്ന് എൽപിജി
ഈ ടാങ്കറുകൾ ഖത്തറിലെ റാസ് ലഫ്ഫാൻ മേഖലയിലാണ് എൽപിജി നിറച്ചത്. ഇതിനുപുറമെ 22 ഇന്ത്യൻ എണ്ണക്കപ്പലുകൾ ഇപ്പോഴും ഹോർമുസ് കടലിടുക്കിന്റെ പടിഞ്ഞാറ് ഭാഗത്ത് നിലയുറപ്പിച്ചിരിക്കുകയാണെന്നും റിപ്പോർട്ടുകളുണ്ട്. ഇവയ്ക്ക് സുരക്ഷിത യാത്ര ഉറപ്പാക്കുന്നതിനായി ചർച്ചകൾ തുടരുന്നു.
പരിഭ്രാന്തരായി ബുക്ക് ചെയ്യരുതെന്ന് കേന്ദ്രം
പാചകവാതക ക്ഷാമത്തെ കുറിച്ചുള്ള അഭ്യൂഹങ്ങൾ വിശ്വസിക്കരുതെന്നും പരിഭ്രാന്തരായി എൽപിജി ബുക്ക് ചെയ്യരുതെന്നും കേന്ദ്രം വീണ്ടും ജനങ്ങളോട് അഭ്യർത്ഥിച്ചു.
വിഷയത്തിൽ അഭ്യൂഹങ്ങൾ പ്രചരിപ്പിക്കാൻ കോൺഗ്രസ് ശ്രമിക്കുന്നുവെന്നും പ്രധാനമന്ത്രി നരേന്ദ്ര മോദി ആരോപിച്ചു.
English Summary:
Two Indian LPG tankers carrying around 93,000 metric tonnes of LPG are arriving at Mundra Port in Gujarat, offering relief amid supply concerns in India. The tanker Shivalik is expected to reach the port today, while Nanda Devi will arrive on Tuesday. The LPG was loaded at Ras Laffan in Qatar, and the Indian government is continuing talks with Iran to ensure safe passage for more tankers through the Strait of Hormuz. Officials also urged the public not to panic-book LPG cylinders.
