‘സത്യം പറ ചേട്ടായി, ഇങ്ങനെയൊരു ദിവസം ആഗ്രഹിച്ചിരുന്നില്ലേ’…’ചേട്ടനെ’ നെഞ്ചിലേറ്റി നാട്; പ്രശംസിച്ച് മുഖ്യമന്ത്രി മുതൽ മെഗാസ്റ്റാർവരെ

‘സത്യം പറ ചേട്ടായി, ഇങ്ങനെയൊരു ദിവസം ആഗ്രഹിച്ചിരുന്നില്ലേ’…’ചേട്ടനെ’ നെഞ്ചിലേറ്റി നാട്; പ്രശംസിച്ച് മുഖ്യമന്ത്രി മുതൽ മെഗാസ്റ്റാർവരെ

കൊൽക്കത്ത: ലോകകപ്പ് സൂപ്പർ 8യിലെ നിർണായക പോരാട്ടത്തിൽ ഈഡൻ ഗാർഡൻസിൽ ഇന്ത്യയ്ക്ക് വിജയദ്വാരം തുറന്ന് നൽകിയതോടെ സഞ്ജു സാംസൺ ദേശീയതലത്തിൽ ട്രെൻഡായി.

വെസ്റ്റിൻഡീസിനെതിരായ മത്സരത്തിൽ ഓപ്പണറായി ഇറങ്ങിയ സഞ്ജു 50 പന്തിൽ 97 റൺസെടുത്ത് പുറത്താകാതെ നിന്നു ഇന്ത്യയെ സെമിഫൈനലിലേക്ക് നയിച്ചു.

ഇന്ത്യയുടെ വിജയം ഉറപ്പാക്കിയതോടെ വിവിധ മേഖലകളിൽ നിന്നായി സഞ്ജുവിന് അഭിനന്ദനങ്ങൾ ഒഴുകി. മുഖ്യമന്ത്രി പിണറായി വിജയൻ ഫേസ്ബുക്കിൽ കുറിച്ചത്: “നമ്മുടെ നാടിന്റെ പ്രത്യേകത ആരും തളർത്താനാകില്ല.

രാജ്യത്തിനായി ഇനിയും വലിയ നേട്ടങ്ങൾ കൊയ്യട്ടെ. സഞ്ജുവിന് ഹൃദയം നിറഞ്ഞ അഭിനന്ദനങ്ങൾ.” എം.എം.മണി “കാവ്യനീതി, ചെക്കൻ തീയാടാ” എന്ന് കുറിച്ചപ്പോൾ, കെ.കെ.ശൈലജ “വീഴ്ചകളിൽ തളരാത്ത മലയാളികൾക്ക് അഭിമാന നിമിഷം” എന്ന് അഭിപ്രായപ്പെട്ടു.

സിനിമാതാരങ്ങളും സഞ്ജുവിനെ അഭിനന്ദിച്ചു. “ഈ വലിയ വേദിയിലെ സധൈര്യ പ്രഖ്യാപനം” എന്ന് മമ്മൂട്ടി വിശേഷിപ്പിച്ചു. “കഴിവിന്റെ അളവ് തെളിയിച്ച മാസ്റ്റർക്ലാസ് ഇന്നിങ്സ്” എന്ന് മോഹൻലാൽ പ്രതികരിച്ചു.

ചെന്നൈ സൂപ്പർ കിംഗ്സ് സോഷ്യൽ മീഡിയ പേജിൽ സഞ്ജുവിന്റെ എഡിറ്റുചെയ്ത ചിത്രം പങ്കുവച്ച് “ചേട്ടൻ അടിപൊളി” എന്ന് കുറിച്ചു. പൃഥ്വിരാജ്, നിവിൻ പോളി, ദുൽഖർ സൽമാൻ, ബേസിൽ ജോസഫ് എന്നിവരും അഭിനന്ദനങ്ങളുമായി രംഗത്തെത്തി.

മത്സരശേഷം ക്യാപ്റ്റൻ സൂര്യകുമാർ യാദവ് തന്റെ ക്യാപ് ഊരി സഞ്ജുവിന് മുന്നിൽ വണങ്ങി. “നല്ല മനുഷ്യർക്കാണ് നല്ലത് സംഭവിക്കുന്നത്; കഠിനാധ്വാനത്തിന്റെ ഫലമാണ് ഇത്” എന്നായിരുന്നു അദ്ദേഹത്തിന്റെ പ്രതികരണം.

സ്റ്റേഡിയത്തിൽ സഞ്ജുവിന്റെ പേര് മുഴങ്ങിയപ്പോൾ ആരാധകരുടെ ആവേശം പരമാവധി ഉയർന്നു.

അവസാന പന്തിൽ ഫോർ അടിച്ച് ഇന്ത്യയെ വിജയത്തിലെത്തിച്ച ശേഷം വികാരാധീനനായ സഞ്ജു പിച്ചിൽ മുട്ടുകുത്തി, ഹെൽമറ്റ് അഴിച്ച് ആകാശത്തേക്ക് കൈകൾ ഉയർത്തി.

“ജീവിതത്തിലെ ഏറ്റവും മികച്ച ദിവസങ്ങളിൽ ഒന്നാണിത്. ഈ നിമിഷത്തിനായാണ് കാത്തിരുന്നത്,” പ്ലെയർ ഓഫ് ദ മാച്ച് പുരസ്കാരം സ്വീകരിച്ച ശേഷം അദ്ദേഹം പറഞ്ഞു.

പൃഥ്വിരാജ്, നിവിൻ പോളി, ദുൽഖർ സൽമാൻ, ബേസിൽ ജോസഫ് തുടങ്ങി നിരവധി പേരാണ് സഞ്ജുവിനെ പ്രശംസിച്ചത്.

ആഷിക് അബു ചിത്രം ‘റൈഫിൾ ക്ലബ്ബിലെ’ വിജയ രാഘവൻറെ രംഗത്തിലെ ഡയലോഗും ഇന്നലെ ട്രെൻഡായി, ‘സത്യം പറ ചേട്ടായി, ഇങ്ങനെയൊരു ദിവസം ആഗ്രഹിച്ചിരുന്നില്ലേ’, സഞ്ജുവിൻറെ ചിത്രത്തിനൊപ്പം ഈ ഡയലോഗും ഇന്നലെ വൈറലായി.

English Summary

Sanju Samson starred in India’s crucial Super 8 World Cup clash against West Indies at Eden Gardens, scoring an unbeaten 97 off 50 balls to lead India into the semifinals. His match-winning knock drew widespread praise from political leaders, film stars, and fans across India. Captain Suryakumar Yadav saluted Sanju after the win, calling it the result of hard work. An emotional Sanju described it as one of the best days of his life after sealing victory with a boundary on the final ball.