ഖത്തറിൽ ഇറാൻ ഡ്രോൺ ആക്രമണം; തൃശൂർ സ്വദേശിക്ക് പരിക്ക്, ശസ്ത്രക്രിയ പൂർത്തിയായി
ദോഹ ∙ ഖത്തറിൽ സഹപ്രവർത്തകർക്കൊപ്പം പുറത്തിറങ്ങിയ മലയാളിക്ക് ഇറാനിൽ നിന്നുണ്ടായ ഡ്രോൺ ആക്രമണത്തിൽ പരിക്കേറ്റു. തൃശൂർ വെങ്കിടങ്ങ് പണിക്കവീട്ടിൽ അബൂബക്കറിന്റെ മകനായ 48 കാരൻ ഹിഷാമിനാണ് പരിക്കേറ്റത്.
ഹിഷാം തൃശൂർയിലെ ശ്രീ കേരളവർമ കോളേജ് പൂർവവിദ്യാർഥിയും സർവകലാശാല ക്രിക്കറ്റ് താരവുമാണ്.
ഖത്തറിലെ ഒരു സ്വകാര്യ കമ്പനിയിൽ ജോലി ചെയ്യുന്ന ഹിഷാം സഹപ്രവർത്തകരോടൊപ്പം പുറത്തിറങ്ങിയിരിക്കെ, ഇറാൻ ഭാഗത്തുനിന്ന് ഡ്രോൺ ആക്രമണമുണ്ടായതായാണ് വിവരം. ആക്രമണം തടയാൻ ശ്രമിച്ച ഖത്തർ പ്രതിരോധ സംവിധാനത്തിലൂടെ തകർത്ത ഡ്രോണിന്റെ ഭാഗങ്ങൾ വീണാണ് ഹിഷാമിന് പരിക്കേറ്റത്.
കൈക്കും കാലിനുമാണ് പരുക്കേറ്റത്. തുടർന്ന് ഹിഷാമിനെ ഉടൻ ആശുപത്രിയിൽ പ്രവേശിപ്പിക്കുകയും അടിയന്തര ശസ്ത്രക്രിയയ്ക്ക് വിധേയനാക്കുകയും ചെയ്തു. നിലവിൽ ആരോഗ്യനില തൃപ്തികരമാണെന്നാണ് ബന്ധുക്കൾ അറിയിച്ചത്.
English Summary
A Malayali man from Thrissur was injured in Qatar after debris from an Iranian drone, intercepted by Qatar’s defence system, fell on him while he was out with colleagues in Doha. The injured, Hisham (48), a former student of Sree Kerala Varma College and a former university cricketer, underwent emergency surgery and is reported to be stable.
malayali-from-thrissur-injured-in-qatar-iran-drone-attack-doha
Qatar, Doha, Iran drone attack, Malayali injured, Thrissur native, Gulf news, Kerala expatriate, emergency surgery, Middle East tension
