റിട്ടയർഡ് കോടതി ജീവനക്കാരൻ ക്ഷേത്രത്തിന് മുന്നിൽ തീക്കൊളുത്തി മരിച്ചു
പരപ്പനങ്ങാടി: തറവാട്ട് ക്ഷേത്രത്തിന് മുന്നിൽ റിട്ടയർഡ് കോടതി ജീവനക്കാരൻ തീക്കൊളുത്തി ജീവനൊടുക്കി. ശനിയാഴ്ച പുലർച്ചെ മൂന്നിനും നാലിനുമിടയിലാണ് സംഭവം. ചിറമംഗലം അയോധ്യ നഗർ സ്വദേശി വള്ളയിൽ ഗംഗാധരൻ (വയസ് വ്യക്തമല്ല) ആണ് മരിച്ചത്.
പ്രാഥമിക വിവരങ്ങൾ പ്രകാരം തറവാട്ട് വക വള്ളയിൽ മാരിയമ്മൻ ക്ഷേത്രത്തിന് മുന്നിലെത്തി ഗംഗാധരൻ സ്വയം തീക്കൊളുത്തുകയായിരുന്നു.
ജ്യേഷ്ഠന്റെ വീട്ടിനോട് ചേർന്നുള്ള തറവാട്ട് ക്ഷേത്രത്തിന് പകരമായി കുറച്ച് വർഷങ്ങൾക്ക് മുമ്പ് സ്വന്തം വീട്ടിൽ ഒരു ക്ഷേത്രം നിർമ്മിച്ച് ആരാധന നടത്തി വരികയായിരുന്നു എന്ന് നാട്ടുകാർ പറയുന്നു.
ഒരു ആഴ്ചയായി തുടരുന്ന ഉത്സവ ചടങ്ങുകൾ നാളെ പൊങ്കാലയോടെ സമാപിക്കാനിരിക്കെയാണ് സംഭവം നടന്നത്. മൃതദേഹം ഇൻക്വസ്റ്റ് നടപടികൾക്കായി മാറ്റിയതായി പൊലീസ് അറിയിച്ചു. സംഭവത്തിൽ പരപ്പനങ്ങാടി പൊലീസ് കൂടുതൽ അന്വേഷണം നടത്തിവരികയാണ്.
English Summary
A retired court employee, Vallayil Gangadharan from Ayodhya Nagar, Chiramangalam, allegedly died by self-immolation in front of his family temple in Parappanangadi early Saturday morning. The incident occurred between 3 am and 4 am while temple festival rituals were ongoing. Police have shifted the body for inquest proceedings and initiated further investigation.
