സ്റ്റേ നിലനിൽക്കെ ‘കേരള സ്റ്റോറി 2’ ബുക്കിങ് ആരംഭിച്ചു; ഹൈക്കോടതി വിധി ലംഘിച്ചെന്ന് പരാതി
മുംബൈ: ഏറെ വിവാദമായ കേരള സ്റ്റോറി ടു സിനിമയുടെ ടിക്കറ്റ് ബുക്കിങ് ആരംഭിച്ചു.
പശ്ചിമബംഗാൾ സംസ്ഥാനത്തെ തിയേറ്ററുകളിലേക്കാണ് ടിക്കറ്റ് ബുക്കിങ് പ്ലാറ്റ്ഫോമായ ബുക്ക് മൈ ഷോ വഴി ബുക്കിങ് തുറന്നിരിക്കുന്നത്. ഇന്ന് ഉച്ചയ്ക്ക് ശേഷമുള്ള ഷോകൾക്കായാണ് ബുക്കിങ് ആരംഭിച്ചത്.
സിനിമയുടെ റിലീസ് കഴിഞ്ഞ ദിവസം കൊൽക്കത്ത ഹൈക്കോടതിയിലെ സിംഗിൾ ബെഞ്ച് താൽക്കാലികമായി തടഞ്ഞിരുന്നു.
ഈ സ്റ്റേ ഉത്തരവ് നിലനിൽക്കെയാണു ചിത്രത്തിന്റെ ബുക്കിങ് ആരംഭിച്ചതെന്നും, ഇത് കോടതി വിധിയോടുള്ള അനാദരവും ചട്ടലംഘനവുമാണെന്നും ഹർജിക്കാർ ആരോപിക്കുന്നു.
സിനിമയോ സിനിമയുമായി ബന്ധപ്പെട്ട പ്രചാരണ പ്രവർത്തനങ്ങളോ താൽക്കാലികമായി തടഞ്ഞ സാഹചര്യത്തിൽ ബുക്കിങ് ക്ഷണിച്ചതുതന്നെ കോടതിയലക്ഷ്യമാണെന്ന് ഹർജിക്കാർ വ്യക്തമാക്കി.
വിഷയം ഹൈക്കോടതിയുടെ ശ്രദ്ധയിൽ കൊണ്ടുവരുമെന്നും, ഇന്ന് കേസ് വീണ്ടും പരിഗണിക്കുമ്പോൾ ശക്തമായ പ്രതിഷേധം ഉന്നയിക്കുമെന്നും അറിയിച്ചിട്ടുണ്ട്.
English Summary
Booking for the controversial film The Kerala Story 2 has begun in theatres across West Bengal through BookMyShow, despite a stay order issued by the Calcutta High Court. Petitioners have alleged that starting ticket sales amounts to contempt of court and plan to raise the issue when the case is heard again.
kerala-story-2-booking-started-despite-high-court-stay
The Kerala Story 2, Mumbai news, West Bengal theatres, BookMyShow booking, Calcutta High Court stay, film controversy India, cinema legal issue, Malayalam news
