ബസ് ഓടിക്കുന്നതിനിടെ ഡ്രൈവർക്ക് ഹൃദയാഘാതം; മാവേലിക്കരയിൽ നിയന്ത്രണം വിട്ട കെഎസ്ആർടിസി കടയിലേക്ക് ഇടിച്ചുകയറി, ഡ്രൈവർ മരിച്ചു
ആലപ്പുഴ: മാവേലിക്കര നടക്കാവിൽ ബസ് ഓടിക്കുന്നതിനിടെ കെഎസ്ആർടിസി ഡ്രൈവർ ഹൃദയാഘാതത്തെ തുടർന്ന് മരിച്ചു. ചെന്നിത്തല മുപ്പത്തഞ്ചിൽ സി. പ്രദീപ് (49) ആണ് മരിച്ചത്. ഇന്ന് രാവിലെ ഒമ്പത് മണിയോടെയാണ് സംഭവം.
പത്തനംതിട്ടയിൽ നിന്ന് മാവേലിക്കരയിലേക്ക് സർവീസ് നടത്തുന്നതിനിടെയാണ് ഡ്രൈവർക്ക് നെഞ്ചുവേദന അനുഭവപ്പെട്ടത്. തുടർന്ന് ബോധം നഷ്ടപ്പെട്ടതോടെ ബസിന്റെ നിയന്ത്രണം നഷ്ടമായി.
ഇത് ശ്രദ്ധയിൽപ്പെട്ട യാത്രക്കാരിൽ ഒരാൾ സ്റ്റിയറിങ് തിരിച്ച് ബസ് കടകളുടെ ഭാഗത്തേക്ക് നിയന്ത്രിതമായി ഇടിച്ചുകയറ്റി നിർത്തുകയായിരുന്നു.
നിയന്ത്രണംവിട്ട ബസ് സമീപത്തെ കടയിലേക്ക് ഇടിച്ചുകയറി, കടയ്ക്ക് കേടുപാടുകൾ സംഭവിച്ചു. ഡ്രൈവർ പ്രദീപിനെ ഉടൻ പരുമലയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ബസിലുണ്ടായിരുന്ന യാത്രക്കാർക്ക് പരിക്കുകളൊന്നും റിപ്പോർട്ട് ചെയ്തിട്ടില്ല.
English Summary
A KSRTC driver, C. Pradeep (49) from Chengannur, died of a heart attack while driving a bus near Mavelikkara. The bus lost control after he lost consciousness and crashed into a nearby shop, causing property damage. A passenger reportedly steered the bus to minimize harm. No passengers were injured. The driver was taken to a private hospital but was declared dead.
ksrtc-driver-dies-heart-attack-mavelikkara
KSRTC, Mavelikkara, Bus Accident, Heart Attack, Alappuzha News, Kerala Transport
