നിയമസഭയിലേക്ക് കേന്ദ്രമന്ത്രിയോ? കാഞ്ഞിരപ്പള്ളി പിടിക്കാൻ ജോർജ് കുര്യൻ
കോട്ടയം: കേന്ദ്രമന്ത്രി ജോർജ് കുര്യൻ വരാനിരിക്കുന്ന നിയമസഭാ തിരഞ്ഞെടുപ്പിൽ മത്സരിക്കുമെന്ന് സൂചന. കാഞ്ഞിരപ്പള്ളി മണ്ഡലത്തിൽ ബിജെപി സ്ഥാനാർഥിയായേക്കുമെന്നാണ് പാർട്ടി വൃത്തങ്ങളിൽനിന്നുള്ള വിവരം.
മണ്ഡലത്തിൽ പ്രവർത്തനം ശക്തിപ്പെടുത്താൻ ദേശീയ നേതൃത്വം നിർദേശം നൽകിയതായും അറിയുന്നു.
കഴിഞ്ഞ നിയമസഭാ തിരഞ്ഞെടുപ്പിൽ കാഞ്ഞിരപ്പള്ളിയിൽ ബിജെപി ശ്രദ്ധേയമായ വോട്ടുവർധന നേടുകയായിരുന്നു. മുൻ കേന്ദ്രമന്ത്രി അൽഫോൻസ് കണ്ണന്താനം ആയിരുന്നു അന്ന് സ്ഥാനാർഥി.
ഇത്തവണ മണ്ഡലത്തിൽ അനുകൂല സാഹചര്യമുണ്ടെന്നാണ് ബിജെപി വിലയിരുത്തൽ. കോട്ടയത്തെ കാണക്കാരി സ്വദേശിയായ ജോർജ് കുര്യൻ കഴിഞ്ഞ ദിവസങ്ങളായി കാഞ്ഞിരപ്പള്ളി കേന്ദ്രീകരിച്ചുള്ള പ്രവർത്തനങ്ങളിൽ സജീവമാണ്.
അതേസമയം, ഏപ്രിലിൽ ഒഴിവ് വരുന്ന മധ്യപ്രദേശിലെ മൂന്ന് രാജ്യസഭ സീറ്റുകളിൽ ഒന്നാണ് ജോർജ് കുര്യന്റേത്. ജ്യോതിരാദിത്യ സിന്ധ്യ രാജിവച്ച ഒഴിവിലേക്കായിരുന്നു അദ്ദേഹത്തെ തിരഞ്ഞെടുക്കപ്പെട്ടത്.
വീണ്ടും രാജ്യസഭയിലേക്ക് പരിഗണിക്കുമെന്ന അഭ്യൂഹങ്ങൾക്കിടെയാണ് നിയമസഭാ മത്സരവുമായി ബന്ധപ്പെട്ട പ്രചാരണങ്ങൾ ശക്തമാകുന്നത്.
English Summary
Union Minister George Kurian is likely to contest the upcoming Kerala Assembly election from Kanjirappally as a BJP candidate, according to party sources. The BJP believes the constituency presents a favorable opportunity this time. Kurian, a native of Kottayam, has recently intensified his activities in the area. Meanwhile, speculation continues over whether he will be renominated to the Rajya Sabha, as his current Madhya Pradesh seat falls vacant in April.
george-kurian-likely-to-contest-kanjirappally-assembly
George Kurian, BJP Kerala, Kanjirappally, Kerala Assembly Election, Political News, Rajya Sabha
