കുട്ടികൾ പോലുമറിയാതെ ഭാഷ മാറി! തസ്തിക നിലനിർത്താൻ കൃത്രിമം കാണിച്ച അദ്ധ്യാപകൻ സസ്പെൻഷനിൽ
കൽപ്പറ്റ:
അദ്ധ്യാപക തസ്തിക നിലനിർത്തുന്നതിനായി ‘സമ്പൂർണ’ പോർട്ടലിൽ കുട്ടികളുടെ എണ്ണത്തിൽ തിരിമറി നടത്തിയെന്ന പരാതിയെ തുടർന്ന് കോട്ടത്തറ ഗവ. ഹൈസ്കൂൾയിലെ മലയാളം അദ്ധ്യാപകൻ ബി. ശ്രീജേഷ് സസ്പെൻഡിലായി. ജില്ലാ വിദ്യാഭ്യാസ ഉപഡയറക്ടറുടെ ഉത്തരവിലാണ് നടപടി.
2025–26 അധ്യയനവർഷത്തിൽ ഒന്നാം ഭാഷയായി അറബി പഠിക്കാൻ പേര് രജിസ്റ്റർ ചെയ്ത എട്ടാം ക്ലാസിലെ അഞ്ച് വിദ്യാർത്ഥികളെ, രക്ഷിതാക്കളുടെയോ കുട്ടികളുടെയോ ക്ലാസ് അദ്ധ്യാപകന്റെയോ പ്രധാനാധ്യാപകന്റെയോ അനുമതിയില്ലാതെ മലയാളം വിഷയത്തിലേക്ക് മാറ്റിയെന്നാണ് കണ്ടെത്തൽ.
കൂടാതെ തസ്തിക നിലനിർത്തുന്നതിനായി സമീപ പ്രദേശങ്ങളായ ഏച്ചോം, നീർവാരം, തെക്കുംതറ, കരിങ്കുറ്റി എന്നിവിടങ്ങളിൽ നിന്ന് ഗോത്രവർഗ കുട്ടികളെ സ്കൂളിൽ ചേർത്ത് കണക്കുകൾ ഉയർത്താൻ ശ്രമിച്ചുവെന്നും പരാതിയുണ്ട്.
ഇതിന് മുൻപും അറബി പഠിക്കുന്ന വിദ്യാർത്ഥികളെ മലയാളത്തിലേക്ക് മാറ്റിയ സംഭവത്തിൽ ഇതേ അദ്ധ്യാപകൻ വിവാദത്തിൽപ്പെട്ടിരുന്നതായും വിദ്യാഭ്യാസ വകുപ്പ് വ്യക്തമാക്കി.
English Summary
A Malayalam teacher of Kottathara Government High School in Kalpetta has been suspended for allegedly manipulating student data in the Sampoorna school portal to retain a teaching post.
kalpetta-teacher-suspended-sampoorna-portal-student-data-manipulation
Kalpetta, Wayanad, teacher suspension, Sampoorna portal, school data manipulation, Kottathara Government High School, education department, Kerala education, student enrolment issue
