കേരളത്തിൽ ₹2,000 കോടി നിക്ഷേപം പ്രഖ്യാപിച്ച് എസ്എഫ്ഒ ടെക്നോളജീസ്
കൊച്ചി: കേരളത്തിൽ 2,000 കോടി രൂപയുടെ വൻ നിക്ഷേപം നടത്തുമെന്ന് പ്രഖ്യാപിച്ച് എസ്എഫ്ഒ ടെക്നോളജീസ്.
കൊച്ചി ആസ്ഥാനമായ നെസ്റ്റ് ഗ്രൂപ്പിന് കീഴിൽ പ്രവർത്തിക്കുന്ന ടെക്നോളജി-എഞ്ചിനീയറിംഗ് കമ്പനിയാണ് എസ്എഫ്ഒ.
ട്രേഡെക്സ് കേരള 2026 വേദിയിൽ പ്രഖ്യാപനം
‘ട്രേഡെക്സ് കേരള 2026’ വേദിയിൽ നെസ്റ്റ് ഗ്രൂപ്പിന്റെ ചെയർമാനും മാനേജിംഗ് ഡയറക്ടറുമായ ഡോ. എൻ. ജഹാംഗീറാണ് നിക്ഷേപ പ്രഖ്യാപനം നടത്തിയത്.
തുടർന്ന് താത്പര്യപത്രം വ്യവസായ അഡീഷണൽ ചീഫ് സെക്രട്ടറി എ.പി.എം. മുഹമ്മദ് ഹനീഷിന് കൈമാറി.
സർക്കാർ പിന്തുണ ഉറപ്പ് നൽകി മന്ത്രി പി രാജീവ്
ചടങ്ങിൽ മന്ത്രി പി രാജീവ്, സംസ്ഥാന സർക്കാരിന്റെ ഭാഗത്ത് നിന്ന് എല്ലാ പിന്തുണയും നൽകുമെന്ന് ഉറപ്പുനൽകി.
കേരളത്തിന്റെ വ്യവസായ സൗഹൃദ നയങ്ങൾക്ക് ലഭിച്ച അംഗീകാരമാണ് ഈ നിക്ഷേപമെന്ന് മന്ത്രി പറഞ്ഞു.
ഘട്ടംഘട്ടമായി വിവിധ മേഖലകളിൽ നിക്ഷേപം
അഡ്വാൻസ്ഡ് ഇലക്ട്രോണിക് മാനുഫാക്ചറിംഗ്, സോഫ്റ്റ്വെയർ ആൻഡ് എംബഡഡ് എഞ്ചിനീയറിംഗ്, എനർജി സൊല്യൂഷൻസ്, പ്രിസിഷൻ എഞ്ചിനീയറിംഗ് തുടങ്ങിയ മേഖലകളിൽ ഘട്ടംഘട്ടമായാണ് നിക്ഷേപം നടപ്പാക്കുക.
ആദ്യഘട്ടത്തിൽ 900 തൊഴിലവസരങ്ങൾ
പ്രാരംഭ ഘട്ടത്തിൽ ഏകദേശം 900 തൊഴിലവസരങ്ങൾ സൃഷ്ടിക്കപ്പെടുമെന്നാണ് പ്രതീക്ഷ.
സംസ്ഥാനത്തെ വ്യവസായ സൗഹൃദ അന്തരീക്ഷം നിക്ഷേപ തീരുമാനത്തിൽ നിർണായകമായതായി ഡോ. ജഹാംഗീറും വ്യക്തമാക്കി.
English Summary:
SFO Technologies, part of the Kochi-based Nest Group, has announced an investment of ₹2,000 crore in Kerala during the Tradex Kerala 2026 event. Chairman and MD Dr. N. Jehangir handed over the expression of interest to Additional Chief Secretary A.P.M. Mohammed Hanish. Minister P. Rajeev assured full government support, stating the move reflects Kerala’s industry-friendly policies. The investment will be made in phases across advanced electronics, embedded engineering, energy solutions, and precision engineering, with around 900 jobs expected initially.
