വെള്ളറടയിൽ വീണ്ടും മോഷണം; പലചരക്ക് കട കുത്തിത്തുറന്ന് ഒരു ലക്ഷം രൂപയുടെ നഷ്ടം
തിരുവനന്തപുരം: വെള്ളറടയിൽ മോഷണം വ്യാപകമാകുന്നു. കാരമൂട് ജംഗ്ഷനിൽ പ്രവർത്തിക്കുന്ന ലതയുടെ ഉടമസ്ഥതയിലുള്ള പലചരക്ക് കടയാണ് കഴിഞ്ഞ ദിവസം രാത്രി കുത്തിത്തുറന്നുള്ള കവർച്ചയ്ക്ക് ഇരയായത്.
വെളിച്ചെണ്ണ പാക്കറ്റുകൾ മുഴുവനും, ബീഡി, സിഗരറ്റ് എന്നിവ അടക്കം നിരവധി സാധനങ്ങൾ മോഷ്ടാക്കൾ കൊണ്ടുപോയി.
കടയിൽ സൂക്ഷിച്ചിരുന്ന 35,000 രൂപയും നഷ്ടമായിട്ടുണ്ട്. ആകെ നഷ്ടം ഒരു ലക്ഷം രൂപയോളം വരുമെന്നാണ് പ്രാഥമിക കണക്കുകൂട്ടൽ.
കോട്ടയം പാമ്പാടിയിൽ ഭാര്യയെ വെട്ടിക്കൊലപ്പെടുത്തി ഭർത്താവ് തൂങ്ങിമരിച്ചു; കുടുംബകലഹമെന്നു സംശയം
ഒരു മാസത്തിനിടെ 20-ലേറെ കവർച്ചകൾ
വെള്ളറടയിലും പരിസര പ്രദേശങ്ങളിലും കഴിഞ്ഞ ഒരു മാസത്തിനിടെ ചെറുതും വലുതുമായ 20-ലേറെ മോഷണങ്ങളാണ് റിപ്പോർട്ട് ചെയ്തിരിക്കുന്നത്.
കൂടുതലും ആളില്ലാത്ത വീടുകളും അടച്ചിട്ട സ്ഥാപനങ്ങളുമാണ് മോഷ്ടാക്കളുടെ ലക്ഷ്യം.
ലതയുടെ കടയിൽ നേരത്തെയും കവർച്ച നടന്നിരുന്നെങ്കിലും പ്രതികളെ കണ്ടെത്താൻ പൊലീസിന് കഴിഞ്ഞിരുന്നില്ല.
സിസിടിവി പരിശോധിച്ച് പൊലീസ് അന്വേഷണം
മോഷണവിവരം ലഭിച്ചതിനെ തുടർന്ന് വെള്ളറട പൊലീസ് സ്ഥലത്തെത്തി പരിശോധന നടത്തി.
സമീപത്തെ സിസിടിവി ദൃശ്യങ്ങൾ കേന്ദ്രീകരിച്ചാണ് അന്വേഷണം പുരോഗമിക്കുന്നത്.
തുടർച്ചയായ മോഷണങ്ങൾ പ്രദേശവാസികളിൽ ആശങ്ക ഉയർത്തിയിട്ടുണ്ട്.
English Summary:
A grocery shop at Karamoodu junction in Vellarada, Thiruvananthapuram, was burgled, with thieves stealing goods worth nearly ₹1 lakh, including coconut oil packets, beedis, cigarettes, and ₹35,000 in cash. The incident adds to over 20 burglary cases reported in the area within a month. Police have launched an investigation by examining nearby CCTV footage.
