ജനറൽ ആശുപത്രിയിൽ മൂർഖൻ, കണ്ടെത്തിയത് ഓപ്പറേഷൻ തിയറ്ററിന് സമീപം
തൃശൂർ: തൃശൂർ ജനറൽ ആശുപത്രിയിൽ ഉഗ്രവിഷമുള്ള മൂർഖൻ പാമ്പ് കണ്ടെത്തിയതോടെ പരിഭ്രാന്തി. മൈനർ ഓപ്പറേഷൻ തിയറ്ററിന് സമീപത്തുനിന്നാണ് പാമ്പിനെ കണ്ടെത്തിയത്. ആശുപത്രി ജീവനക്കാർ സമയബന്ധിതമായി ശ്രദ്ധിച്ചതിനാൽ ആർക്കും പാമ്പുകടി ഉണ്ടായില്ല.
ഇന്നലെയായിരുന്നു സംഭവം. പാമ്പിനെ കണ്ടതോടെ രോഗികളും കൂട്ടിരിപ്പുകാരും പലദിശകളിലേക്ക് ഓടിപ്പോയി. തുടർന്ന് ആശുപത്രി ജീവനക്കാരനും സ്നേക്ക് റെസ്ക്യൂവറുമായ സുധീഷ് കെ.പിയുടെ നേതൃത്വത്തിലാണ് മൂർഖനെ സുരക്ഷിതമായി പിടികൂടിയത്.
പിടികൂടിയ പാമ്പിനെ പിന്നീട് വനംവകുപ്പിന് കൈമാറി.
കഴിഞ്ഞ രണ്ടാഴ്ചയായി ആശുപത്രിയുടെ വിവിധ ഭാഗങ്ങളിൽ പാമ്പുകളെ കണ്ടതായി രോഗികൾ പറയുന്നു. ആശുപത്രിയുടെ ഒരുവശം കാടുമൂടി കിടക്കുന്നതായും, അവിടെ ഉഗ്രവിഷമുള്ള പാമ്പുകൾ ഉണ്ടാകാൻ സാധ്യതയുണ്ടെന്നും രോഗികൾ ആശങ്ക പ്രകടിപ്പിച്ചു.
ആശുപത്രി പരിസരങ്ങളുടെ ശുചീകരണവും സുരക്ഷാ ക്രമീകരണങ്ങളും ശക്തമാക്കണമെന്ന് ആവശ്യം ഉയർന്നിട്ടുണ്ട്.
English Summary
Panic broke out at Thrissur General Hospital after a highly venomous cobra was found near the minor operation theatre. Hospital staff promptly noticed the snake, preventing any injuries. The cobra was safely rescued by a staff member and snake rescuer and later handed over to the forest department. Patients allege that snakes have been spotted in various parts of the hospital over the past two weeks, raising concerns about safety due to nearby overgrown areas.
cobra-found-thrissur-general-hospital
Thrissur, General Hospital, Cobra, Snake Rescue, Kerala News, Forest Department, Public Safety
