ഗൂഗിൾ അമ്മച്ചി ചതിച്ചതാ… ഇടുക്കിയിൽ ബസ് മറിഞ്ഞു; 18 പേർക്ക് പരുക്ക്
ഇടുക്കി: ഇടുക്കി ജില്ലയിലെ നാരകക്കാനത്ത് വിനോദ സഞ്ചാരികളുടെ ബസ് അപകടത്തിൽപ്പെട്ടു. അപകടത്തിൽ 18 പേർക്ക് പരിക്കേറ്റു. ഇടുങ്ങിയ വഴിയിലെ തിട്ടയിൽ ഇടിച്ച് ബസ് മറിഞ്ഞതാണ് അപകടകാരണം.
തിരുവനന്തപുരം നിന്നു ഇടുക്കിയിലേക്ക് എത്തിയ വിനോദസഞ്ചാരികളടങ്ങിയ ബസാണ് അപകടത്തിൽപ്പെട്ടത്. പരിക്കേറ്റവരെ ഉടൻ ഇടുക്കി മെഡിക്കൽ കോളജിൽ പ്രവേശിപ്പിച്ചു.
എല്ലാവരുടെയും പരിക്ക് ഗുരുതരമല്ലെന്നാണ് അധികൃതർ അറിയിച്ചത്.
കാൽവരി മൗണ്ടിൽ നിന്ന് രാമക്കൽമേട്ടിലേക്ക് യാത്ര ചെയ്യുന്നതിനിടെയാണ് അപകടം ഉണ്ടായത്.
ഗൂഗിൾ മാപ്പ് പിന്തുടർന്ന് പോകുന്നതിനിടെ വഴിയുടെ വീതി കണക്കാക്കാനാകാതെ ബസ് തിട്ടയിൽ ഇടിച്ചതായാണ് പ്രാഥമിക നിഗമനം. നാട്ടുകാരും തങ്കമണി പോലീസും ചേർന്ന് രക്ഷാപ്രവർത്തനം നടത്തി.
English Summary
A tourist bus met with an accident at Narakakkanam in Idukki district, injuring 18 passengers. The bus, traveling from Thiruvananthapuram, overturned after hitting a roadside mound on a narrow road while following Google Maps directions. All injured passengers were shifted to Idukki Medical College, and none of the injuries are reported to be serious.
idukki-narakakkanam-tourist-bus-accident
Idukki, Narakakkanam, Tourist Bus Accident, Kerala Road Accident, Thangamani Police, Idukki Medical College, Calvary Mount, Ramakkalmedu
