പത്തനംതിട്ട: കേരള രാഷ്ട്രീയത്തിൽ വലിയ ചർച്ചകൾക്ക് വഴിവെച്ച ഒന്നായിരുന്നു പ്രമുഖ സാഹിത്യകാരൻ ബെന്യാമിൻ നിയമസഭാ തെരഞ്ഞെടുപ്പിൽ മത്സരിക്കുന്നു എന്ന വാർത്ത.
എന്നാൽ, അഭ്യൂഹങ്ങൾക്ക് വിരാമമിട്ടുകൊണ്ട് താൻ രാഷ്ട്രീയ മത്സരത്തിനില്ലെന്ന് അദ്ദേഹം വ്യക്തമാക്കി.
പത്തനംതിട്ടയിലെ ഒരു മണ്ഡലത്തിൽ സ്ഥാനാർത്ഥിയായി ബെന്യാമിൻ എത്തിയേക്കും എന്ന റിപ്പോർട്ടുകൾ വന്നതിന്
പിന്നാലെയാണ് ഫേസ്ബുക്ക് കുറിപ്പിലൂടെ താരം നിലപാട് വ്യക്തമാക്കിയത്.
മുഖ്യധാരാ മാധ്യമങ്ങളിലെ വാർത്തകളും ബെന്യാമിൻ്റെ ശക്തമായ തിരുത്തലും
നേരത്തെ സോഷ്യൽ മീഡിയയിലും ചില യൂട്യൂബ് ചാനലുകളിലും ബെന്യാമിൻ്റെ സ്ഥാനാർത്ഥിത്വത്തെക്കുറിച്ച് വാർത്തകൾ വന്നിരുന്നു.
അപ്പോഴൊക്കെ അഭിമുഖങ്ങളിലൂടെ അദ്ദേഹം അത് നിഷേധിച്ചിരുന്നതാണ്. എന്നാൽ സംസ്ഥാനത്തെ ഒരു പ്രമുഖ പത്രത്തിൽ വരാനിരിക്കുന്ന
നിയമസഭാ തെരഞ്ഞെടുപ്പിലെ സാധ്യതാ പട്ടികയിൽ തന്റെ പേര് ഉൾപ്പെട്ടതോടെയാണ് വിശദമായ ഒരു കുറിപ്പുമായി വരാൻ അദ്ദേഹം തീരുമാനിച്ചത്.
“വാർത്തകളിൽ പറയുന്ന ആ ബെന്യാമിൻ ഞാനല്ല” എന്ന് അദ്ദേഹം തറപ്പിച്ചു പറയുന്നു.
ഇത്തരം തെറ്റായ വാർത്തകൾ വായനക്കാരിലും സുഹൃത്തുക്കളിലും ആശയക്കുഴപ്പം ഉണ്ടാക്കിയെന്നും അദ്ദേഹം സൂചിപ്പിച്ചു.
രാഷ്ട്രീയ നിലപാടുകൾ സ്ഥാനമാനങ്ങൾക്ക് വേണ്ടിയല്ലെന്ന തുറന്നുപറച്ചിൽ
തനിക്ക് വ്യക്തമായ രാഷ്ട്രീയമുണ്ടെന്നും അത് തുറന്നു പറയാൻ മടിയില്ലെന്നും ബെന്യാമിൻ കുറിപ്പിൽ വ്യക്തമാക്കുന്നു.
ഇന്ത്യയിലെ ഏതൊരു പൗരനെയും പോലെ രാഷ്ട്രീയ പ്രവർത്തനങ്ങളിൽ പങ്കാളിയാകാറുണ്ട്.
എന്നാൽ തന്റെ നിലപാടുകൾ ഏതെങ്കിലും പദവികൾക്കോ സ്ഥാനങ്ങൾക്കോ വേണ്ടിയാണെന്ന് കരുതുന്നത് ഇന്നോളം ഉയർത്തിപ്പിടിച്ച ആശയങ്ങളെ റദ്ദ് ചെയ്യുന്നതിന് തുല്യമാണെന്ന് അദ്ദേഹം ഓർമ്മിപ്പിക്കുന്നു.
രാഷ്ട്രീയത്തെ വെറും അധികാരത്തിനുള്ള വഴിമാത്രമായി കാണുന്നവർക്കിടയിൽ, സ്ഥാനമാനങ്ങൾ മോഹിക്കാതെ
മുറിവേറ്റൊരു ആത്മാവിന്റെ കുമ്പസാരം; ജീത്തു ജോസഫിന്റെ ‘വലതുവശത്തെ കള്ളൻ’ ടീസർ പുറത്ത്
നിലപാടുകൾ പറയുന്നവരും ഉണ്ടെന്ന് ലോകത്തെ അറിയിക്കുക എന്നത് തന്റെ ഉത്തരവാദിത്തമാണെന്ന് അദ്ദേഹം കൂട്ടിച്ചേർത്തു.
സാഹിത്യലോകത്തെ സ്വപ്നങ്ങളും എഴുത്തിൽ തുടരാനുള്ള ഉറച്ച തീരുമാനവും
ജനപ്രതിനിധികളോടും രാഷ്ട്രീയ പ്രവർത്തകരോടും തനിക്ക് വലിയ ബഹുമാനമുണ്ടെന്ന് വ്യക്തമാക്കിയ ബെന്യാമിൻ, തന്റെ വഴി മറ്റൊന്നാണെന്ന് അടിവരയിട്ടു പറയുന്നു.
തന്റെ ജീവിതശൈലിയും സ്വഭാവവും എഴുത്തിന് വേണ്ടി രൂപപ്പെടുത്തിയതാണ്. സാഹിത്യ രചനകളിലാണ് താൻ യഥാർത്ഥ സന്തോഷം കണ്ടെത്തുന്നത്.
തനിക്ക് മാത്രം എഴുതാൻ കഴിയുന്ന ചില കൃതികൾ ഇനിയുമുണ്ടെന്നും ഈ ജീവിതകാലയളവിൽ അവ പൂർത്തിയാക്കാനാണ് താൻ ആഗ്രഹിക്കുന്നതെന്നും അദ്ദേഹം പറഞ്ഞു.
അതുകൊണ്ട് തന്നെ വോട്ട് തേടിയുള്ള യാത്രയേക്കാൾ എഴുത്തിന്റെ ലോകത്ത് തുടരാനാണ് താല്പര്യമെന്നും അദ്ദേഹം വ്യക്തമാക്കി.
English Summary
Malayalam author Benyamin has officially refuted reports suggesting his candidacy in the upcoming Kerala Legislative Assembly elections. Following a list published by a major daily naming him as a potential candidate in Pathanamthitta, Benyamin clarified on Facebook that he has no interest in electoral politics. He emphasized that while he holds firm political opinions as a citizen, these are not meant to secure any official positions.
