പുതുവർഷ ദിവസം ഡെലിവറി പ്രതിസന്ധി; ഗിഗ് വർക്കേഴ്സ് പണിമുടക്കിൽ
ഡൽഹി: ഗിഗ് വർക്കേഴ്സ് ഇന്ന് രാജ്യമാകെ പണിമുടക്കുന്നു.
Swiggy, Zomato, Zepto, Amazon, Flipkart, Blinkit തുടങ്ങിയ പ്രമുഖ ഓൺലൈൻ പ്ലാറ്റ്ഫോമുകളിലെ ഡെലിവറി തൊഴിലാളികളോട് ഇന്ന് ആപ്പുകളിൽ നിന്ന് ലോഗ് ഔട്ട് ചെയ്ത് സമരത്തിൽ പങ്കെടുക്കാൻ ഗിഗ് വർക്കേഴ്സ് യൂണിയൻ ആഹ്വാനം ചെയ്തു.
ഡെലിവറി ആപ്പുകൾ താളം തെറ്റും
പുതുവർഷ ദിനത്തിൽ പ്രഖ്യാപിച്ച പണിമുടക്ക് മൂലം രാജ്യത്തെ പല നഗരങ്ങളിലും ഡെലിവറി സേവനങ്ങൾ ഗുരുതരമായി ബാധിക്കുമെന്നാണ് സൂചന.
ക്രിസ്മസ് ദിനത്തിൽ നടത്തിയ പ്രതിഷേധത്തിനെ തുടർന്നാണ് തൊഴിലാളികൾ വീണ്ടും ശക്തമായ സമരത്തിലേക്ക് കടന്നത്.
അപകടകരമായ തൊഴിൽ സാഹചര്യങ്ങൾക്കെതിരെ പ്രതിഷേധം
ജോലിഭാരം വർധിച്ചിട്ടും വേതനം കൂട്ടാത്ത സാഹചര്യത്തിനെതിരെയാണ് തൊഴിലാളികളുടെ പ്രതിഷേധം.
10 മിനിറ്റ് ഡെലിവറി പോലുള്ള പദ്ധതികൾ റോഡ് അപകടങ്ങൾക്ക് കാരണമാകുന്നതായും തൊഴിലാളികൾ ചൂണ്ടിക്കാട്ടുന്നു.
മുന്നറിയിപ്പില്ലാതെ ഐഡികൾ ബ്ലോക്ക് ചെയ്യുന്നതും വലിയ പ്രതിഷേധത്തിന് ഇടയാക്കി.
ഇൻഷുറൻസും ക്ഷേമവും ആവശ്യപ്പെടുന്നു
മിനിമം വേതനം ഉറപ്പാക്കുക, ഇൻഷുറൻസ്, ആരോഗ്യ പരിരക്ഷ, മറ്റ് ക്ഷേമ ആനുകൂല്യങ്ങൾ എന്നിവ നടപ്പിലാക്കുക എന്നതാണ് പ്രധാന ആവശ്യങ്ങൾ.
തെലങ്കാന ഗിഗ് ആൻഡ് പ്ലാറ്റ്ഫോം വർക്കേഴ്സ് യൂണിയനും ഇന്ത്യൻ ഫെഡറേഷൻ ഓഫ് ആപ്പ് അധിഷ്ഠിത ട്രാൻസ്പോർട്ട് വർക്കേഴ്സും സമരത്തിന് നേതൃത്വം നൽകുന്നു.
English Summary:
Gig workers across India have launched a nationwide strike, urging delivery partners of platforms such as Swiggy, Zomato, Amazon, Zepto, Flipkart, and Blinkit to log out in protest. The strike highlights demands for minimum wages, insurance, healthcare, and safer working conditions, while opposing unsafe delivery timelines and sudden ID suspensions. The protest is expected to disrupt delivery services in several cities.
