ഉത്സവം കണ്ട് മടങ്ങുമ്പോൾ ദാരുണാന്ത്യം; ചേർപ്പിൽ കാറിടിച്ച് ആറുവയസുകാരൻ മരിച്ചു

ഉത്സവം കണ്ട് മടങ്ങുമ്പോൾ ദാരുണാന്ത്യം; ചേർപ്പിൽ കാറിടിച്ച് ആറുവയസുകാരൻ മരിച്ചു

തൃശൂർ: ക്ഷേത്രോത്സവം കണ്ട് അച്ഛനൊപ്പം സ്‌കൂട്ടറിൽ മടങ്ങുന്നതിനിടെ ഉണ്ടായ വാഹനാപകടത്തിൽ ആറുവയസുകാരൻ മരിച്ചു.

ചേർപ്പ് ചൊവ്വൂർ ചെറുവത്തേരി മണാത്തിക്കുളം സമീപം ചക്കാലക്കൽ അരുൺ കുമാറിന്റെയും കൃഷ്ണപ്രിയയുടെയും മകൻ കൃഷ്ണസ്വരൂപ് (6) ആണ് മരിച്ചത്.

തൃപ്പൂണിത്തുറ ഭവൻസ് സ്‌കൂളിലെ ഒന്നാംക്ലാസ് വിദ്യാർഥിയായിരുന്നു.

ക്രിസ്മസ് ആഘോഷത്തിൽ റെക്കോർഡ്; ബെവ്കോയിൽ 332.62 കോടിയുടെ മദ്യവിൽപ്പന

അപകട സംഭവം

ഇന്ന് ഉച്ചയോടെ ചൊവ്വൂർ മോഴിപറമ്പിലെ ഒരു ഫർണീച്ചർ ഷോറൂമിന് മുന്നിലായിരുന്നു അപകടം.

ചെറുവത്തേരി കീഴ്തൃക്കോവിൽ ക്ഷേത്രത്തിലെ പത്താമുദയം മഹോത്സവം കണ്ട് മടങ്ങുന്നതിനിടെയാണ് സ്‌കൂട്ടർ എതിർദിശയിൽ എത്തിയ കാറുമായി കൂട്ടിയിടിച്ചത്.

ആശുപത്രിയിൽ എത്തിച്ചെങ്കിലും രക്ഷിക്കാനായില്ല

ഗുരുതരമായി പരിക്കേറ്റ കൃഷ്ണസ്വരൂപിനെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

അപകടത്തിൽ പരിക്കേറ്റ അച്ഛൻ അരുൺ കുമാർ സ്വകാര്യ ആശുപത്രിയിൽ ചികിത്സയിലാണ്.

നടപടികൾ

കൃഷ്ണസ്വരൂപിന്റെ മൃതദേഹം പോസ്റ്റ്‌മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകി.

അപകടത്തിന്റെ കൂടുതൽ വിവരങ്ങൾ പൊലീസ് അന്വേഷിച്ചുവരികയാണ്

English Summary
A six-year-old boy, Krishnaswaroop, lost his life in a tragic road accident at Cherpu in Thrissur while returning on a scooter with his father after attending a temple festival. Their scooter collided with an oncoming car near Chovvur Mozhiparambu. The child succumbed to injuries despite being rushed to the hospital, while his father is undergoing treatment.