ടി20 ലോകകപ്പിന് ശേഷം വൻ മാറ്റങ്ങൾ; വാഴുന്നവരും വീഴുന്നവരും വരുന്നവരും
ഇന്ത്യൻ ക്രിക്കറ്റ് ടീമിന് മുന്നിലുള്ള അടുത്ത വലിയ വെല്ലുവിളി ഐസിസി ടി20 ലോകകപ്പാണ്. ഫെബ്രുവരി–മാർച്ച് മാസങ്ങളിലായി നടക്കാനിരിക്കുന്ന ടൂർണമെന്റിൽ കിരീടം നിലനിർത്തുകയെന്ന കടുത്ത പരീക്ഷണമാണ് ഇന്ത്യയെ കാത്തിരിക്കുന്നത്.
കഴിഞ്ഞ വർഷം സ്വന്തമാക്കിയ ടി20 ലോകകപ്പ് സ്വന്തം മണ്ണിൽ വീണ്ടും ഉയർത്താനാകുമോയെന്നതാണ് ക്രിക്കറ്റ് ലോകം ഉറ്റുനോക്കുന്നത്.
ലോകകപ്പിൽ ഇന്ത്യ കിരീടം നിലനിർത്തിയാലും ഇല്ലെങ്കിലും, ടൂർണമെന്റിന് ശേഷം ഇന്ത്യൻ ടീമിൽ മാറ്റങ്ങൾ ഉണ്ടാകുമെന്നത് ഏറെക്കുറെ ഉറപ്പാണ്.
നിലവിൽ ടീമിൽ ഇടംപിടിക്കാത്ത ചില താരങ്ങൾക്ക് വീണ്ടും അവസരം ലഭിക്കാനും സാധ്യതയുണ്ട്. ടി20 ടീമിന്റെ ഭാവി മുഖങ്ങളാകാൻ സാധ്യതയുള്ള താരങ്ങൾ ആരൊക്കെയാണെന്നതാണ് ഇപ്പോൾ ചർച്ചയാകുന്നത്.
ടി20യിൽ ഇനി ഇവരുടെ ഊഴം
ടി20 ലോകകപ്പിന് ശേഷം ഇന്ത്യൻ ടി20 ടീമിൽ ഇടംപിടിക്കാമെന്ന് കരുതുന്നവരിൽ മധ്യനിരയിലെ സ്റ്റാർ ബാറ്റർ ശ്രേയസ് അയ്യർ,
ആക്രമണ ശൈലിയിലുള്ള ഓപ്പണർ യശസ്വി ജയ്സ്വാൾ, കൗമാര ബാറ്റിംഗ് സെൻസേഷനും ഓപ്പണറുമായ വൈഭവ് സൂര്യവംശി, വിക്കറ്റ് കീപ്പർമാരായ ഇഷാൻ കിഷൻ, ധ്രുവ് ജുറേൽ എന്നിവർ ഉൾപ്പെടുന്നു.
നിലവിലെ ടി20 ക്യാപ്റ്റൻ സൂര്യകുമാർ യാദവിന്റെ കരിയർ അവസാന ഘട്ടത്തിലേക്കെത്തിയെന്നാണ് പൊതുവായ വിലയിരുത്തൽ.
ക്യാപ്റ്റൻ സ്ഥാനമില്ലായിരുന്നെങ്കിൽ അദ്ദേഹം ഇതിനകം തന്നെ ടീമിൽ നിന്ന് പുറത്തായേനെ എന്ന അഭിപ്രായവും ശക്തമാണ്.
36-ാം വയസ്സിലേക്കു കടക്കുന്ന സൂര്യയെ അടുത്ത ലോകകപ്പിന് ശേഷം ടീമിൽ നിന്ന് ഒഴിവാക്കാൻ സാധ്യതയുണ്ടെന്നാണ് സൂചനകൾ.
ഈ സാഹചര്യത്തിൽ, നായക സ്ഥാനത്തേക്ക് ശ്രേയസ് അയ്യർ ഉയർന്നു വരാനാണ് സാധ്യത. നിലവിൽ ദേശീയ ടീമിന്റെ ഭാഗമല്ലെങ്കിലും ഐപിഎല്ലിൽ മികച്ച ഫോമിലാണ് ശ്രേയസ്.
അതുകൊണ്ടുതന്നെ ഇന്ത്യൻ ടീമിലേക്ക് മടങ്ങിവരാനുള്ള അർഹത അദ്ദേഹം നേടിയെടുക്കുന്നുണ്ട്. നായക സ്ഥാനം ലഭിച്ചാൽ അതിൽ അത്ഭുതപ്പെടാനില്ല.
അതേസമയം, നിലവിലെ വൈസ് ക്യാപ്റ്റനും ഓപ്പണറുമായ ശുഭ്മൻ ഗില്ലിന് നായകസ്ഥാനത്തേക്ക് സ്ഥാനക്കയറ്റം ലഭിക്കാനുള്ള സാധ്യത വളരെ കുറവാണ്. ടി20 ഫോർമാറ്റിൽ ഗില്ലിന്റെ പ്രകടനം ആശങ്കാജനകമാണ്.
ഈ വർഷം ടി20യിൽ ഒരു അർധസെഞ്ച്വറി പോലും ഗില്ലിന്റെ പേരിലില്ല എന്നതും അദ്ദേഹത്തിന് തിരിച്ചടിയാകുന്നു.
English Summary
India faces its next major challenge in the ICC T20 World Cup scheduled for February–March, where the team aims to defend its title at home. Regardless of the outcome, changes in the Indian T20 squad after the tournament appear inevitable. Players like Shreyas Iyer, Yashasvi Jaiswal, Vaibhav Suryavanshi, Ishan Kishan and Dhruv Jurel are expected to be strong contenders for future roles. Meanwhile, Suryakumar Yadav’s T20 career is believed to be nearing its end, with Shreyas Iyer emerging as a potential captaincy candidate. Shubman Gill’s chances of leadership promotion remain slim due to poor T20 form.
india-t20-world-cup-challenge-post-tournament-team-changes-expected
India cricket team, T20 World Cup, Indian T20 squad, Shreyas Iyer, Suryakumar Yadav, Shubman Gill, future India players, ICC T20 World Cup
