കൊൽക്കത്തയിൽ മെസി ഷോ പരാജയം; വിമർശനങ്ങൾക്കൊടുവിൽ പശ്ചിമ ബംഗാള് കായിക മന്ത്രി സ്ഥാനമൊഴിഞ്ഞു
കൊല്ക്കത്ത: ലോക ഫുട്ബോൾ താരം ലയണൽ മെസിയുടെ കൊൽക്കത്ത സന്ദർശനവുമായി ബന്ധപ്പെട്ട വിവാദങ്ങൾ കനത്തതോടെ പശ്ചിമ ബംഗാൾ കായിക മന്ത്രി അരൂപ് ബിശ്വാസ് രാജിവച്ചു.
ചൊവ്വാഴ്ചയാണ് അദ്ദേഹം രാജിക്കത്ത് നൽകിയത്. കൊൽക്കത്തയിലെ സാൾട്ട് ലേക്ക് സ്റ്റേഡിയത്തിൽ സംഘടിപ്പിച്ച ‘ഗോട്ട് ടൂർ’ പരിപാടി പൂർണ്ണമായും അലങ്കോലമായതിനെ തുടർന്നാണ് മന്ത്രിക്കെതിരെ രൂക്ഷ വിമർശനം ഉയർന്നത്.
‘പോറ്റിയെ കേറ്റിയെ’… ഭക്തിഗാനം രാഷ്ട്രീയ ലാഭത്തിനായി വികലമായി ഉപയോഗിച്ചു; പൊലീസ് മേധാവിക്ക് പരാതി
സുതാര്യ അന്വേഷണത്തിനായാണ് രാജിയെന്ന് വിശദീകരണം
പരിപാടിയിലുണ്ടായ വീഴ്ചകളിൽ സുതാര്യമായ അന്വേഷണം ഉറപ്പാക്കുന്നതിനാണ് രാജിയെന്ന് അരൂപ് ബിശ്വാസ് രാജിക്കത്തിൽ വ്യക്തമാക്കിയിട്ടുണ്ട്.
അദ്ദേഹത്തിന്റെ രാജി മുഖ്യമന്ത്രി മമത ബാനർജി അംഗീകരിച്ചു. തൃണമൂൽ കോൺഗ്രസിലെ ഏറ്റവും കരുത്തനായ നേതാക്കളിലൊരാളായിരുന്ന അരൂപ് ബിശ്വാസ് മമത ബാനർജിയുടെ വിശ്വസ്തനുമാണ്.
തെരഞ്ഞെടുപ്പ് മുന്നൊരുക്കങ്ങളുടെ ഭാഗമെന്ന് വിലയിരുത്തൽ
നിയമസഭാ തെരഞ്ഞെടുപ്പിന് മുന്നോടിയായി ഉയരുന്ന വിമർശനങ്ങൾ ഒഴിവാക്കുന്നതിനും രാഷ്ട്രീയ പ്രതിരോധം ശക്തമാക്കുന്നതിനുമുള്ള നീക്കത്തിന്റെ ഭാഗമാണ് രാജിയെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.
വിവാദം പാർട്ടിക്ക് തിരിച്ചടിയാകാതിരിക്കാൻ അടിയന്തര നടപടി സ്വീകരിച്ചതായും വിലയിരുത്തലുണ്ട്.
മെസി എത്തിയെങ്കിലും ആരാധകർക്ക് നിരാശ
ശനിയാഴ്ച നടന്ന മെസിയുടെ പരിപാടി വലിയ കോലാഹലത്തിലേക്ക് വഴിമാറിയിരുന്നു. ഏകദേശം 15,000 രൂപ വരെ ടിക്കറ്റ് നൽകി എത്തിയ ആരാധകർക്ക് മുന്നിൽ മെസി മിനിറ്റുകൾ മാത്രമാണ് ചെലവിട്ടത്.
ഏകദേശം 20 മിനിറ്റ് സ്റ്റേഡിയത്തിൽ ഉണ്ടായ ശേഷം മെസി മടങ്ങിയതോടെയാണ് ആരാധകർ പ്രകോപിതരായത്.
സ്റ്റേഡിയം നശിപ്പിച്ചു, സംഘാടകൻ അറസ്റ്റിൽ
സെലിബ്രിറ്റികൾ ചുറ്റിപ്പറ്റിയതിനാൽ മെസിയെ അടുത്തുനിന്ന് കാണാൻ പോലും സാധിക്കാതെ വന്നതോടെ ആരാധകർ പ്രതിഷേധത്തിലേക്ക് മാറി.
തുടർന്ന് സ്റ്റേഡിയത്തിനുള്ളിൽ വ്യാപക നാശനഷ്ടങ്ങളുണ്ടായി. സംഭവത്തിൽ പരിപാടിയുടെ പ്രധാന സംഘാടകനായ ശതാദ്രു ദത്തയെ പൊലീസ് അറസ്റ്റ് ചെയ്തു.
English Summary:
The controversial visit of football icon Lionel Messi to Kolkata has led to the resignation of West Bengal Sports Minister Aroop Biswas. Following chaos at the Salt Lake Stadium during Messi’s ‘GOAT Tour’ event, Biswas stepped down citing the need for a transparent investigation. Fans who paid high ticket prices were angered after Messi appeared only briefly, triggering vandalism at the venue. Event organizer Shatadru Dutta was arrested, while Chief Minister Mamata Banerjee accepted the minister’s resignation amid growing political pressure.
