‘പോറ്റിയെ കേറ്റിയെ’… ഭക്തിഗാനം രാഷ്ട്രീയ ലാഭത്തിനായി വികലമായി ഉപയോഗിച്ചു; പൊലീസ് മേധാവിക്ക് പരാതി
തദ്ദേശ തെരഞ്ഞെടുപ്പ് പ്രചാരണത്തിന്റെ ഭാഗമായി യുഡിഎഫ് പുറത്തിറക്കിയ ‘പോറ്റിയെ കേറ്റിയെ’ എന്ന ഗാനത്തിനെതിരെ സംസ്ഥാന പൊലീസ് മേധാവിക്ക് പരാതി.
ഭക്തിഗാനം രാഷ്ട്രീയ ലാഭത്തിനായി വികലമായി ഉപയോഗിച്ചതായും ഇതിലൂടെ ഭക്തരുടെ മതവികാരങ്ങൾ വൃണപ്പെടുത്തിയതായും ചൂണ്ടിക്കാട്ടിയാണ് പരാതി നൽകിയിരിക്കുന്നത്.
തിരുവാഭരണ പാത സംരക്ഷണ സമിതി ജനറൽ സെക്രട്ടറി പ്രസാദ് കുഴിക്കാലയാണ് വിഷയത്തിൽ ഇടപെടൽ ആവശ്യപ്പെട്ട് സംസ്ഥാന പൊലീസ് മേധാവിയെ സമീപിച്ചത്.
രാഷ്ട്രീയ പ്രചാരണത്തിനായി അയ്യപ്പനെ ഗാനത്തിൽ ഉൾപ്പെടുത്തിയ നടപടി ഭക്തരെ വേദനിപ്പിച്ചതായും, പാട്ട് അപമാനകരമായ രീതിയിലാണെന്നും പരാതിയിൽ പറയുന്നു. ഗാനം ഉടൻ പിൻവലിക്കണമെന്ന ആവശ്യവും പരാതിയിൽ ഉൾപ്പെടുത്തിയിട്ടുണ്ട്.
ശബരിമല സ്വർണ്ണക്കൊള്ളയിൽ സിബിഐ അന്വേഷണം ആവശ്യപ്പെട്ട് പാർലമെന്റിന് മുന്നിൽ യുഡിഎഫ് എംപിമാർ നടത്തിയ പ്രതിഷേധത്തിനിടെയും ഈ ഗാനം ഉപയോഗിച്ചിരുന്നതായും പരാതിയിൽ ചൂണ്ടിക്കാട്ടുന്നു.
തെരഞ്ഞെടുപ്പിന് പിന്നാലെ മലപ്പുറം പടിഞ്ഞാറ്റുമുറിയിലെ ഡാനിഷ് മുഹമ്മദ് ആലപിച്ച ഈ ഗാനം സോഷ്യൽ മീഡിയയിൽ വ്യാപകമായി പ്രചരിക്കുകയും ട്രെൻഡിങ്ങാകുകയും ചെയ്തിരുന്നു.
ഖത്തറിൽ പ്രവാസിയായ നാദാപുരം ചാലപ്പുറം സ്വദേശി ജിപി കുഞ്ഞബ്ദുള്ളയാണ് ഗാനത്തിന്റെ വരികൾ രചിച്ചതെന്ന് വ്യക്തമാക്കുന്നു.
English Summary
A complaint has been filed with the State Police Chief against the UDF over the use of the song “Pottiye Kettiye” for local body election campaigning. The complainant alleges that a devotional song was distorted for political gain, thereby hurting the religious sentiments of devotees.
The complaint, submitted by Prasad Kuzhikkala, General Secretary of the Tiruvabharana Patha Samrakshana Samithi, demands the immediate withdrawal of the song. The song was also reportedly used during UDF MPs’ protest at Parliament seeking a CBI probe into the Sabarimala gold robbery case.
The song, sung by Danish Mohammed from Malappuram, went viral on social media after the elections. Lyrics were written by GP Kunjabdulla, a Qatar-based expatriate from Nadapuram.
udf-pottiye-kettiye-campaign-song-complaint
UDF, local body elections, campaign song, religious sentiments, Sabarimala, police complaint, Kerala politics
