15 മുതൽ 24 വയസ്സ് വരെയുള്ള യുവാക്കൾക്കിടയിൽ എച്ച്.ഐ.വി രോഗബാധ കൂടുന്നു
കൊച്ചി: 15 മുതൽ 24 വയസ്സ് വരെയുള്ള യുവാക്കൾക്കിടയിൽ എച്ച്.ഐ.വി രോഗബാധ വർദ്ധിക്കുന്നതായി സംസ്ഥാന എയ്ഡ്സ് കൺട്രോൾ സൊസൈറ്റിയുടെ പഠനം.
ഈ വർഷം ഏപ്രിൽ–ഒക്ടോബർ മാസങ്ങളിൽ പുതുതായി കണ്ടെത്തിയ രോഗബാധിതരിൽ 15.4% പേരും ഈ പ്രായകൂട്ടത്തിലാണ്.
2022ൽ 9% ആയിരുന്ന ഈ പ്രായത്തിലുള്ള രോഗബാധിതരുടെ എണ്ണം 2023ൽ 12% ആയും 2024ൽ 14.2% ആയും ഉയർന്നിരുന്നു.
ആഗോളതലത്തിൽ ‘സേഫ് സോൺ’ ആയിരുന്നാലും വർദ്ധനവ് ആശങ്കയുണർത്തുന്നതാണെന്ന് പഠനത്തിൽ പറയുന്നു.
അന്യസംസ്ഥാന തൊഴിലാളികളുടെ സാന്നിധ്യം ഈ വിഭാഗത്തിലെ രോഗബാധിതരുടെ എണ്ണത്തിൽ വ്യക്തമായ പങ്ക് വഹിക്കുന്നു.
രാജ്യത്ത് എച്ച്.ഐ.വി സാന്ദ്രത 0.20 ആയിക്കെ കേരളത്തിലേത് 0.07 മാത്രമാണ് — രാജ്യത്തെ ഏറ്റവും കുറഞ്ഞ നിരക്ക്.
അശ്രദ്ധമായ ജീവിതശൈലി, സിറിഞ്ച് ഉപയോഗിച്ച് ലഹരി ഉപയോഗം, സുരക്ഷിതമല്ലാത്ത ലൈംഗികബന്ധങ്ങൾ എന്നിവയാണ് പ്രധാന കാരണങ്ങൾ.
രാജ്യത്ത് 25 ലക്ഷം എച്ച്.ഐ.വി രോഗബാധിതരുണ്ട്. കഴിഞ്ഞ വർഷം 63,000 പേരെയാണ് പുതുതായി കണ്ടെത്തിയത്. 32,000 പേർ എയ്ഡ്സ് മൂലം മരിച്ചു.
കേരളത്തിൽ നിലവിൽ 23,608 പേർ ചികിത്സയിലാണ്. കഴിഞ്ഞ മൂന്ന് വർഷത്തിനിടെ 4,477 പേർക്കാണ് സംസ്ഥാനത്ത് എച്ച്.ഐ.വി സ്ഥിരീകരിച്ചത് — 3,393 പുരുഷന്മാർ, 1,065 സ്ത്രീകൾ, 19 ട്രാൻസ്ജെൻഡർ വ്യക്തികൾ.
ഗർഭിണികൾക്കിടയിൽ രോഗം കണ്ടെത്തുന്നത് കൂടുതലും പ്രസവപരിചരണത്തിനിടെ നടത്തിയ പരിശോധനയിലാണ്.
ജില്ലകളിലെ രോഗബാധിതരുടെ എണ്ണം:
എറണാകുളം (850), തിരുവനന്തപുരം (555), തൃശൂർ (518), കോഴിക്കോട് (441), പാലക്കാട് (371), കോട്ടയം (350), കണ്ണൂർ (243), കൊല്ലം (223), മലപ്പുറം (215), ആലപ്പുഴ (188), പത്തനംതിട്ട (162), ഇടുക്കി (155), കാസർകോട് (139), വയനാട് (67).
മേൽവിലാസമോ ഫോൺനമ്പറോ വിശ്വാസയോഗ്യമല്ലാത്ത അന്യസംസ്ഥാന രോഗബാധിതരുടെ തുടർചികിത്സ, പങ്കാളികളെ പരിശോധനയ്ക്കു കൊണ്ടുവരിക്കൽ, ചികിത്സ ഉറപ്പാക്കൽ എന്നിവ വലിയ വെല്ലുവിളികളാണെന്ന് സ്റ്റേറ്റ് എയ്ഡ്സ് കൺട്രോൾ സൊസൈറ്റിയുടെ ജോ. ഡയറക്ടർ രശ്മി മാധവൻ പറഞ്ഞു.
English Summary
A study by the Kerala State AIDS Control Society shows a rise in HIV cases among people aged 15–24. From April to October 2024, 15.4% of new HIV detections were in this age group. The proportion has steadily increased from 9% in 2022 to 14.2% in 2024.
Despite Kerala having the lowest HIV prevalence in India (0.07 compared to the national 0.20), the trend among youth is concerning. Unsafe sex, drug use with shared syringes, and lifestyle issues are the main reasons.
Kerala currently has 23,608 HIV patients; 4,477 cases were detected in the last three years. Ernakulam has the highest number of patients (850).
Tracking and ensuring treatment among migrant workers with incomplete contact information remains a major challenge, officials said.
Kerala-HIV-rise-youth-study
Kerala, HIV, Health, AIDS Control Society, Public Health, Youth Health, Migrant Workers
