ഹോങ്കോങ്ങിലെ തീപിടിത്തത്തിൽ മരണസംഖ്യ 55 ആയി ഉയർന്നു
ഹോങ്കോങ്ങിലെ തീപിടിത്തത്തിൽ മരണസംഖ്യ 55 ആയി ഉയർന്നു. തായ് പോ ജില്ലയിലെ വാങ് ഫുക് കോർട്ട് പാർപ്പിട സമുച്ചയത്തിലാണ് ഇന്നലെ വൈകുന്നേരം തീപിടിത്തമുണ്ടായത്.
279 പേർ കാണാതായെന്നാണ് റിപ്പോർട്ട്, ഇവരിൽ 72 പേർ ജീവനോടെ ഉണ്ടെന്നും ബന്ധപ്പെട്ടതായി അധികൃതർ അറിയിച്ചു. നിരവധി പേർ കെട്ടിടത്തിനകത്ത് കുടുങ്ങിക്കിടക്കുന്നുവെന്ന വിവരം ലഭിച്ചിട്ടുണ്ട്.
രക്ഷാപ്രവർത്തനത്തിനിടെ 37 വയസുകാരൻ ഉൾപ്പെടെ ചിലർ മരിക്കുകയും ചെയ്തു.
32 നിലകളുള്ള സമുച്ചയത്തിലെ കുറഞ്ഞത് ഏഴ് ബ്ലോക്കുകളിലേക്കാണ് തീ പടർന്നതെന്ന് പ്രാഥമിക നിഗമനം. ദുരന്തവുമായി ബന്ധപ്പെട്ട് പൊലീസ് ക്രിമിനൽ കേസ് രജിസ്റ്റർ ചെയ്തിട്ടുണ്ട്.
കെട്ടിട നവീകരണ കരാർ ലഭിച്ച കമ്പനിയുടെ ഭാഗത്തുണ്ടായ വീഴ്ചയാണ് തീപിടിത്തത്തിന്റെ തീവ്രത വർദ്ധിപ്പിച്ചതെന്നാണ് സംശയം.
ഉച്ച കഴിഞ്ഞാണ് തീപിടിത്തം ആരംഭിച്ചത്. കെട്ടിടത്തിനു ചുറ്റും സ്ഥാപിച്ചിരുന്ന മുള കൊണ്ടുള്ള വേലിയും നിർമ്മാണ സാമഗ്രികളും തീ പെട്ടെന്ന് പടരാൻ കാരണമായി.
അതിവേഗം തീപിടിക്കുന്ന പോളിസ്റ്റൈറൈൻ ബോർഡുകൾ എന്നിവയും സ്ഥലത്ത് കണ്ടെത്തിയതായി റിപ്പോർട്ടുണ്ട്.
രക്ഷാപ്രവർത്തനങ്ങൾക്ക് അടിയന്തിര സഹായമായി 20 ലക്ഷം യുവാൻ അനുവദിച്ചതായി ചൈനീസ് പ്രസിഡന്റ് ഷി ജിൻപിങ് അറിയിച്ചു.
ഏഴ് കെട്ടിടങ്ങൾ അടങ്ങിയ വാങ് ഫുക് കോർട്ടിൽ 2000-ത്തിലധികം ഫ്ലാറ്റുകളിലായി ഏകദേശം 4800 പേർ താമസിക്കുകയായിരുന്നു.
ആദ്യ കെട്ടിടത്തിൽ തീപിടിത്തമുണ്ടായപ്പോൾ തന്നെ അത് നിയന്ത്രണവിധേയമാക്കാനാകാതിരുന്നതാണ് വലിയ അപകടത്തിലേക്ക് നയിച്ചതെന്ന് അന്വേഷണക്കാർ പറയുന്നു. സിഗററ്റ് കുറ്റികൾ അശ്രദ്ധയായി വലിച്ചെറിയുന്നത് തുടങ്ങിയ കാര്യങ്ങളും അന്വേഷിക്കുന്നുണ്ട്.
തീപിടിച്ച ഏഴ് ടവറുകളിൽ മൂന്ന് സ്ഥലങ്ങളിലെ തീ അണച്ചിട്ടുണ്ട്. മറ്റിടങ്ങളിലേക്കും തീയണയ്ക്കാനുള്ള ശ്രമം തുടരുകയാണ്. 1983-ൽ നിർമിച്ച കെട്ടിടത്തിൽ നവീകരണ പ്രവർത്തനങ്ങൾ നടന്നുകൊണ്ടിരിക്കുകയായിരുന്നു.
പെട്ടെന്ന് പിടികൊള്ളുന്ന മുളവേലിയിലൂടെ തീ എല്ലാ നിലകളിലേക്കും വ്യാപിച്ചു. വിവിധ ആശുപത്രികളിൽ 29 പേർക്ക് ചികിത്സ നൽകുകയാണ്. താമസക്കാരെ മാറ്റിപ്പാർപ്പാൻ 1400 വീടുകൾ അധികമായി സജ്ജീകരിച്ചതായി അധികൃതർ അറിയിച്ചു.
സംഭവവുമായി ബന്ധപ്പെട്ട് മൂന്നു പേരെ നരഹത്യക്കുറ്റത്തിൽ പൊലീസ് അറസ്റ്റു ചെയ്തതായും മരണം വർധിക്കാൻ കാരണമായ പ്രധാന കാരണം ക്രമരഹിത നിർമ്മാണ സാമഗ്രികളാണെന്നും അധികൃതർ വ്യക്തമാക്കുന്നു.
🇬🇧 English Summary
The death toll in the Hong Kong residential complex fire has risen to 55. The blaze broke out at the Wang Fuk Court housing complex in Tai Po district, affecting seven blocks of a 32-storey building. As many as 279 people were reported missing, though 72 of them have since been confirmed safe. Many residents were trapped inside as the fire spread rapidly.
hongkong-residential-fire-death-toll-55
Hong Kong fire, Wang Fuk Court, Tai Po district, building fire, residential fire, death toll, missing persons, renovation negligence, polystyrene materials, China news, global news
