മുൻ വലത് മുന്നണി സ്ഥാനാർഥി ഇപ്പോൾ സ്വതന്ത്രൻ; അന്നത്തെ സ്വതന്ത്രൻ ഇന്ന് വലതു മുന്നണി സ്ഥാനാർഥി; ശരിക്കും ആരാ ഇവിടത്തെ എൻ.ഡി.എ സ്ഥാനാർഥി! ചാക്കോച്ചനോ അതോ ടോയ്സൊ
മൂവാറ്റുപുഴ: മുൻ വലത് മുന്നണി സ്ഥാനാർഥി ഇപ്പോൾ സ്വതന്ത്രൻ, അന്നത്തെ സ്വതന്ത്രൻ ഇന്ന് വലതു മുന്നണി സ്ഥാനാർഥി.
എൻഡിഎ സ്വതന്ത്ര സ്ഥാനാർഥികൾ മത്സരിക്കുന്ന ചിഹ്നത്തിൽ ശരിക്കും സ്വതന്ത്രൻ. കല്ലൂർക്കാട് എട്ടാം വാർഡിലെ വോട്ടർമാർ ആകെ കൺഫ്യൂഷനിലാണ്.
പത്തുവർഷം മുമ്പ് സ്വതന്ത്രനായി മത്സരിച്ച് ജയിച്ച ജെറീഷ് ജോസ് ആണ് ഇക്കുറി യു.ഡി.എഫ് സ്ഥാനാർഥി. അന്നത്തെ യു.ഡി എഫ് സ്ഥാനാർഥി ടോയ്സ് കെ ജോർജ് ഇന്ന് സ്വതന്ത്ര സ്ഥാനാർഥിയാണ്.
കല്ലൂർക്കാട് പഞ്ചായത്തിലെ എൻ.ഡി.എ സ്വതന്ത്ര സ്ഥാനാർഥികൾ മത്സരിക്കുന്ന പൈനാപ്പിൾ ചിഹ്നത്തിലാണ് ടോയ്സ് മത്സരിക്കുന്നത് എന്നതാണ് മറ്റൊരു പ്രത്യേകത.
എട്ടാം വാർഡിൽ എൻ ഡി എ സ്ഥാനാർഥിയായി മത്സരിക്കുന്നത് ബി.ജെ.പി അംഗമായ സി.എം വർക്കിച്ചനാണ്. ചിഹ്നം താമരയും.കല്ലൂർക്കാട് പഞ്ചായത്തിലെ എൻഡിഎ മുന്നണിയിൽ മത്സരിക്കുന്ന പത്തു സ്ഥാനാർഥികളുടെ ചിഹ്നം പൈനാപ്പിൾ ആണ്. നാലു പേർ താമര ചിഹ്നത്തിലും മത്സരിക്കുന്നു.
വോട്ടർമാർക്ക് ആകെ ആശയകുഴപ്പം ആണെങ്കിലും പ്രചാരണത്തിന് ഒരു കുറവും ഇല്ല. അനിൽ കുമാർ ആണ് ഇവിടത്തെ ഇടതു സ്ഥാനാർഥി.
English Summary
In the 8th ward of Kalloorkkad panchayat, voters are confused as former front candidates have switched roles. Jerish Jose, who won as an independent ten years ago, is now the UDF candidate. Meanwhile, Toys K. George, who was the UDF candidate then, is contesting as an independent this time — and that too under the pineapple symbol, typically used by NDA-backed independents.
Adding to the confusion, the official NDA candidate is BJP’s C.M. Varkichen, who contests with the lotus symbol. In the panchayat, ten NDA-backed candidates use the pineapple symbol and four use the lotus. Despite the confusion, election campaigning is in full swing. The LDF candidate is Anil Kumar.
