ഇക്കുറി മത്സരരംഗത്ത് 72,005 സ്ഥാനാര്ത്ഥികള്, കൂടുതലും സ്ത്രീകള്; കഴിഞ്ഞ തവണത്തേക്കാള് മൂവായിരത്തോളം പേര് കുറവ്
തിരുവനന്തപുരം: തദ്ദേശതെരഞ്ഞെടുപ്പിൽ ഇത്തവണ മത്സരിക്കുന്ന സ്ഥാനാർത്ഥികളുടെ എണ്ണം കഴിഞ്ഞ തവണത്തേക്കാൾ കുറവാണ്.
സംസ്ഥാനത്തെ 23,562 വാർഡുകളിലായി 72,005 പേരാണ് മത്സരരംഗത്തുള്ളത്. വനിതകളാണ് ഭൂരിപക്ഷം—മൊത്തം 37,786 സ്ത്രീകൾ.
പുരുഷ സ്ഥാനാർത്ഥികൾ 34,218 പേരാണ്. ട്രാൻസ്ജെൻഡർ വിഭാഗത്തിൽപ്പെടുന്ന ഒരാൾക്കും ഈ തവണ മത്സരമുണ്ട്.
കഴിഞ്ഞ തെരഞ്ഞെടുപ്പിൽ 75,013 പേരാണ് മത്സരിച്ചിരുന്നത്, അതിൽ 38,566 പേർ സ്ത്രീകളായിരുന്നു.
നാമനിർദ്ദേശം പിൻവലിക്കാനുള്ള അവസാനദിനമായ തിങ്കളാഴ്ച നിരവധി സ്ഥാനാർത്ഥികൾ മത്സരത്തിൽ നിന്ന് പിന്മാറിയിരുന്നു.
കണ്ണൂരിലെ 14 വാർഡുകളിൽ എൽഡിഎഫ് സ്ഥാനാർത്ഥികൾക്ക് എതിരില്ലാത്തതിനാൽ അവിടെ മത്സരമില്ല.
സംസ്ഥാനത്ത് ആകെ 1200 തദ്ദേശ സ്ഥാപനങ്ങളിലായി 23,612 വാർഡുകളാണുള്ളത്.
കണ്ണൂർ മട്ടന്നൂർ മുനിസിപ്പാലിറ്റിയിൽ ഭരണസമിതി കാലാവധി പൂർത്തിയായിട്ടില്ലാത്തതിനാൽ അവിടെ വോട്ട് നടക്കില്ല.
ബാക്കി 1199 സ്ഥാപനങ്ങളിലെ 23,576 വാർഡുകളിലാണ് ഡിസംബർ 9, 11 തീയതികളിൽ രണ്ടു ഘട്ടങ്ങളായി വോട്ടെടുപ്പ്. വോട്ടെണ്ണൽ ഡിസംബർ 13ന്.
മുഖ്യ മുന്നണികൾക്ക് ഈ തവണയും തലവേദനയായി വിമത സ്ഥാനാർത്ഥികളാണ്.
തിരുവനന്തപുരം കോർപ്പറേഷനിൽ യുഡിഎഫിനും എൽഡിഎഫിനും 5 വീതം റിബലുകൾ. കൊച്ചി കോർപ്പറേഷനിൽ യു.ഡി.എഫിന് 11 വിമതരാണ് വെല്ലുവിളി.
മുതിർന്ന നേതാവ് ശ്യാമള പ്രഭു വിമത സ്ഥാനാർത്ഥിയായി കൊച്ചിയിൽ മത്സരിക്കുന്നു. തൃശൂരിൽ യുഡിഎഫിന് ആറും എൽഡിഎഫിന് അഞ്ചും വിമതരുമുണ്ട്.
English Summary
Kerala’s local body elections this year have fewer candidates compared to the previous polls. A total of 72,005 candidates are contesting in 23,562 wards, with women (37,786) outnumbering men (34,218). One transgender candidate is also in the fray. In the last election, 75,013 candidates had contested.
Several candidates withdrew their nominations on the last day.
In Kannur, 14 wards have no contest as LDF candidates are unopposed. Elections will be held in 23,576 wards across 1,199 local bodies on December 9 and 11, with counting on December 13.
Rebel candidates pose a major challenge to front-line political alliances. Thiruvananthapuram Corporation has 5 rebels each for UDF and LDF; Kochi Corporation has 11 rebels troubling the UDF. Veteran leader Shyamala Prabhu is a BJP rebel in Kochi. In Thrissur, UDF faces 6 rebels and LDF 5.
local-body-elections-kerala-candidate-count-rebels-2025
Kerala Election, Local Body Polls, Candidates, Women Candidates, Rebels, UDF, LDF, BJP, Thiruvananthapuram, Kochi, Thrissur
