നമ്പര്‍ പ്ലേറ്റില്ലാതെ ബൈക്കിലെത്തിയ യുവാവിനെ പിടികൂടാന്‍ ശ്രമിക്കവെ പൊലീസുകാരനെ റോഡിലൂടെ വലിച്ചിഴച്ചു
ആലുവ: നമ്പർ പ്ലേറ്റില്ലാതെ ബൈക്കിലെത്തിയ യുവാവിനെ പിടികൂടാൻ ശ്രമിക്കവെ ട്രാഫിക് പൊലീസുകാരന് പരിക്ക് പറ്റി.
ബൈക്ക് നിർത്താതെ ഓടിയ യുവാവ് പൊലീസുകാരനെ വലിച്ചിഴച്ചാണ് രക്ഷപ്പെട്ടത്.
ഇന്നലെ വൈകുന്നേരം ആറുമണിയോടെയാണ് സംഭവം. ആലുവ പമ്പ് കവലയിലെ വൺവേ ചുവടിൽ ട്രാഫിക് ഡ്യൂട്ടിയിലുണ്ടായിരുന്ന സിപിഒ കെ. പി. സെബാസ്റ്റ്യൻ (48) ആണ് പരിക്കേറ്റത്.
ഹെൽമെറ്റ് ധരിച്ച ഏകദേശം 20 വയസ്സ് തോന്നിക്കുന്ന യുവാവ് നമ്പർ പ്ലേറ്റില്ലാത്ത ബൈക്കിലാണ് എത്തിയതെന്ന് പൊലീസ് അറിയിച്ചു.
മുൻവശത്ത് നമ്പർ പ്ലേറ്റ് കാണാത്തതിനാൽ ബൈക്ക് നിർത്താൻ കൈകാണിച്ചെങ്കിലും യുവാവ് സ്റ്റേഷൻ ഭാഗത്തേക്ക് വേഗത്തിൽ പോകുകയായിരുന്നു.
തുടർന്ന് മറ്റൊരു ബൈക്കിൽ കയറി സെബാസ്റ്റ്യൻ പിന്തുടർന്നു. പിന്നിലും നമ്പർ പ്ലേറ്റ് ഇല്ലെന്ന് ഇതിനിടെ മനസ്സിലാക്കി.
റെയിൽവേ സ്റ്റേഷനുമുൻപിൽ യുവാവിന്റെ ബൈക്കിന്റെ പിൻസീറ്റിലെ പൈപ്പിൽ പിടിച്ചെങ്കിലും വാഹനം നിർത്താൻ തയ്യാറായില്ല.
പൊലീസ് ജീവനക്കാരനെ വലിച്ചിഴച്ച് പിടിവിടുവിച്ച ശേഷം യുവാവ് ബൈക്കുമായി രക്ഷപ്പെട്ടു.
റെയിൽവേ സ്റ്റേഷനിലെ ട്രാഫിക് പൊലീസുകാർ സ്ഥലത്തെത്തിയെങ്കിലും പ്രതിയെ പിടികൂടാനായില്ല. സംഭവവുമായി ബന്ധപ്പെട്ട് അന്വേഷണം ആരംഭിച്ചിരിക്കുകയാണ്.
English Summary
A traffic police officer in Aluva was injured while trying to stop a young bike rider who was travelling without a number plate. The rider refused to stop and dragged the officer before escaping. The incident occurred near Aluva Pump Junction around 6 PM. CPO K.P. Sebastian chased the bike and tried to grab the rear handle, but the rider pulled away. Police have launched an investigation to identify the youth.
aluva-bike-rider-drags-police-no-number-plate
Aluva, Police, Bike Rider, Traffic Violation, Kerala, Crime
