കരൂർ ദുരന്തത്തിൽ പ്രതികരണവുമായി വിജയ്
ചെന്നൈ: കരൂര് ദുരന്തത്തിന് ശേഷം ആദ്യമായി വീഡിയോ പ്രതികരണം നടത്തി നടനും ടിവികെ അധ്യക്ഷനുമായ വിജയ്. ജനങ്ങള്ക്ക് എല്ലാം അറിയാമെന്നും സത്യം പുറത്തുവരുമെന്നും അദ്ദേഹം പറഞ്ഞു.
കുറ്റമെല്ലാം തന്റെ മേല് ആരോപിക്കാമെന്നും പാര്ട്ടി പ്രവര്ത്തകരെ വേട്ടയാടരുതെന്നും വിജയ് തന്റെ വീഡിയോ സന്ദേശത്തില് പറഞ്ഞു.
കരൂരില് മാത്രം ദുരന്തമുണ്ടായത് എങ്ങനെ എന്ന ഗൂഡാലോചന സംശയവും വിജയ് ഉന്നയിക്കുന്നുണ്ട്.
തന്റെ വേദന മനസിലാക്കി ഒപ്പം നിന്നവര്ക്ക് നന്ദി എന്നും വിജയ് കൂട്ടിച്ചേർത്തു. തന്റെ ജീവിതത്തില് ഇത്രയും വേദനാജനകമായ ഒരു അനുഭവം ഉണ്ടായിട്ടേയില്ല. മനസ് മുഴുവന് വേദനയാണ്. വേദന മാത്രമാണ് എന്നും അദ്ദേഹം പറഞ്ഞു.
ജനങ്ങള് എന്നെ കാണാന് വരുന്നത് സ്നേഹം കൊണ്ടാണ്. ആ സ്നേഹത്തോട് മുൻ കടപ്പെട്ടിരിക്കുന്നു.
എല്ലാത്തിനും മുകളില് സുരക്ഷയ്ക്ക് പ്രാധാന്യം നല്കണമെന്ന് ആവശ്യപ്പെട്ടിരുന്നതാണ്.
എന്നാൽ നടക്കാന് പാടില്ലാത്തത് നടന്നു. ആശുപത്രിയില് പോയാല് കൂടുതല് പ്രശ്നം ഉണ്ടാകുമായിരുന്നു. അതുകൊണ്ടാണ് പോകാതിരുന്നത്.
ഉറ്റവരെ നഷ്ടപ്പെടുന്നവരുടെ വേദനയ്ക്ക് ഒന്നു പകരമാകില്ലെന്ന് അറിയാം. വേദനയ്ക്ക് ഒപ്പം നിന്നവര്ക്ക് നന്ദി. എല്ലാ സത്യവും പുറത്ത് വരും – എന്നും വിജയ് പറഞ്ഞു.
സിഎം സാര്…. കുറ്റം എനിക്ക് മേല് വച്ചോളൂ, പാര്ട്ടിപ്രവര്ത്തരെ വേട്ടയാടരുത് – വിജയ് വീഡിയോയിൽ കൂട്ടിച്ചേർത്തു.
കൂടാതെ അഞ്ച് ജില്ലകളില് പര്യടനം നടത്തിയിട്ടും ഒന്നും സംഭവിച്ചില്ലെന്നും കരൂരില് എങ്ങനെ ഇതുണ്ടായെന്നും വിജയ് ഉന്നയിക്കുന്നു. എല്ലാം ജനങ്ങള്ക്ക് അറിയാമെന്നും അവര് സത്യം പറയുന്നുണ്ടെന്നും വിജയ് ചൂണ്ടിക്കാട്ടി.
അതിനിടെ, കരൂര് ദുരന്തവുമായി ബന്ധപ്പെട്ട കേസില് പൊലീസ് അറസ്റ്റ് ചെയ്ത ടിവികെ കരൂര് വെസ്റ്റ് ജില്ലാ സെക്രട്ടറി മതിയഴകന്, കരൂര് സൗത്ത് സിറ്റി ട്രഷറര് പൗന്രാജ് എന്നിവരെ കോടതി റിമാന്ഡ് ചെയ്തു.
കരൂര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റിന് കോടതിയുടേതാണ് ഉത്തരവ്.
Summary: TVK president and actor Vijay breaks silence on the Karur tragedy through a video statement, saying people know the truth and it will soon come out.
