ഏഷ്യാ കപ്പിലെ പഹല്ഗാം പരാമര്ശം; സൂര്യകുമാര് യാദവിന് പിഴ
പാകിസ്താനെതിരായ ഏഷ്യാ കപ്പ് മത്സരത്തിനിടെയുണ്ടായ പ്രസ്താവനകളില് ഇന്ത്യന് ക്യാപ്റ്റന് സൂര്യകുമാര് യാദവിനെതിരെ നടപടി എടുത്ത് ഐസിസി. പിഴശിക്ഷയാണ് സൂര്യകുമാര് യാദവിന് വിധിച്ചിരിക്കുന്നത്.
മാച്ച് ഫീയുടെ 30 ശതമാനം പിഴയാണ് താരം അടയ്ക്കേണ്ടത്. ഐസിസി പെരുമാറ്റചട്ടം ഇന്ത്യന് ക്യാപ്റ്റന് ലംഘിച്ചെന്ന് മാച്ച് റഫറി അറിയിച്ചു. പാകിസ്താന് ക്രിക്കറ്റ് ബോര്ഡിന്റെ പരാതിയെ തുടര്ന്നുള്ള അന്വേഷണത്തില് സൂര്യകുമാര് യാദവ് കുറ്റക്കാരനാണെന്ന് ഐസിസി കണ്ടെത്തിയതിനെ തുടര്ന്നാണ് താരത്തിനെതിരെ നടപടി.
പാകിസ്താനെതിരായ ഗ്രൂപ്പ് ഘട്ട മത്സരത്തില് വിജയം നേടിയശേഷം ഈ ജയം ഓപ്പറേഷന് സിന്ദൂറില് പങ്കെടുത്ത ധീര സൈനികര്ക്കും പഹല്ഗാം ഭീകരാക്രമണത്തില് കൊല്ലപ്പെട്ടവരുടെ കുടുംബാംഗങ്ങള്ക്കുമായി സമര്പ്പിക്കുന്നുവെന്ന് സൂര്യകുമാര് യാദവ് പ്രതികരിച്ചിരുന്നു.
ഇത് രാഷ്ട്രീയമായ പ്രസ്താവനയാണെന്ന് ആരോപിച്ചാണ് പിസിബി ഐസിസിക്ക് പരാതി നല്കിയത്. കൂടാതെ ടൂര്ണമെന്റില് പാകിസ്താന് ഹസ്തദാനം ചെയ്യാന് ഇന്ത്യന് ടീം വിസമ്മതിച്ചിരുന്നു.
Summary: ICC penalized Indian captain Suryakumar Yadav for his remarks during the Asia Cup match against Pakistan. He has been fined for breaching the code of conduct.
