ശബ്ദത്തേക്കാൾ ഒൻപത് മടങ്ങുവേഗത; ഹൈപ്പർസോണിക് മിസൈൽ പരീക്ഷിച്ചു റഷ്യ
റഷ്യയും ബെലാറസും ചേർന്ന് നടത്തുന്ന സാപാഡ്–2025 സൈനികാഭ്യാസത്തിനിടെ റഷ്യ തങ്ങളുടെ ഏറ്റവും പുതിയ ആണവ ശേഷിയുള്ള ഹൈപ്പർസോണിക് ക്രൂയിസ് മിസൈൽ ‘സിർക്കോൺ’ വിജയകരമായി പരീക്ഷിച്ചു.
1,000 കിലോമീറ്റർ വരെ ദൂരപരിധിയുള്ള ഈ മിസൈൽ ശബ്ദത്തിന്റെ ഒമ്പത് മടങ്ങ് വേഗത്തിൽ, അഥവാ മാക് 9 വേഗതയിൽ സഞ്ചരിക്കാൻ കഴിയും എന്നാണ് റിപ്പോർട്ടുകൾ.
വെള്ളിയാഴ്ച ആരംഭിച്ച അഞ്ച് ദിവസത്തെ ഈ സൈനികാഭ്യാസങ്ങൾ റഷ്യയും ബെലാറസും മാത്രമല്ല, ബാൾട്ടിക് കടലും ബാരന്റ്സ് കടലും ഉൾപ്പെടുത്തി വ്യാപകമായി സംഘടിപ്പിക്കപ്പെട്ടു.
13,000ത്തിലധികം സൈനികരും നിരവധി യുദ്ധകപ്പലുകളും വിമാനങ്ങളും പങ്കെടുത്ത അഭ്യാസങ്ങളിൽ അട്ടിമറി വിരുദ്ധ പ്രവർത്തനങ്ങൾ, ഡ്രോൺ യുദ്ധം, ഇലക്ട്രോണിക് യുദ്ധം, ആക്രമണ സാഹചര്യങ്ങളിൽ ഏകോപനം ശക്തിപ്പെടുത്തൽ തുടങ്ങിയ പരിശീലനങ്ങൾ ഉൾപ്പെടുത്തിയിരുന്നു.
പരിശീലനത്തിന്റെ ഭാഗമായി, ബാരന്റ്സ് കടലിലെ ഒരു ലക്ഷ്യത്തിലേക്ക് 3M22 സിർക്കോൺ ഹൈപ്പർസോണിക് മിസൈൽ വിജയകരമായി വിക്ഷേപിച്ചതായി റഷ്യൻ പ്രതിരോധ മന്ത്രാലയം ഞായറാഴ്ച സ്ഥിരീകരിച്ചു.
വടക്കൻ ഫ്ലീറ്റിലെ “കപ്പൽ നശിപ്പിക്കുന്നയാൾ” (ship killer) എന്ന് വിശേഷിപ്പിക്കപ്പെടുന്ന അഡ്മിറൽ ഗൊലോവ്കോ ഫ്രിഗേറ്റിൽ നിന്നാണ് പരീക്ഷണം നടത്തിയത്. സിർക്കോണിനോട് പൊരുത്തപ്പെടുന്ന ലംബ വിക്ഷേപണ സംവിധാനമാണ് ഇതിനായി ഉപയോഗിച്ചത്.
പ്രതിരോധ മന്ത്രാലയം പുറത്തുവിട്ട ദൃശ്യങ്ങളിൽ, ഫ്രിഗേറ്റിൽ നിന്ന് മിസൈൽ ആകാശത്തേക്ക് പറന്നുയരുന്നതും പിന്നീട് ലക്ഷ്യസ്ഥാനത്തേക്ക് ചക്രവാളത്തിലൂടെ അതിവേഗത്തിൽ തിരിയുന്നതുമായ കാഴ്ചകൾ പ്രദർശിപ്പിച്ചു.
റഷ്യയുടെ ഹൈപ്പർസോണിക് ആയുധ ശേഷി ലോകത്തിനു മുന്നിൽ തെളിയിച്ച ഈ പരീക്ഷണം അന്താരാഷ്ട്ര തലത്തിൽ വലിയ ശ്രദ്ധ നേടുകയാണ്.
കാൻസറിനുള്ള വാക്സിൻ കണ്ടുപിടിച്ച് റഷ്യ
മോസ്കോ: റഷ്യ വികസിപ്പിച്ച കാൻസറിനുള്ള പ്രതിരോധ വാക്സിനായ ‘എന്റെറോമിക്സ്’ പ്രാരംഭ ക്ലിനിക്കൽ ട്രയലുകൾ ഫലപ്രാപ്തി നേടിയതായി റിപ്പോർട്ടുകൾ.
മരുന്ന് ഉപയോഗിച്ചവരിൽ ട്യൂമറിന് ചുരുക്കമുണ്ടായെന്നും മറ്റ് പാർശ്വഫലങ്ങൾ കണ്ടെത്തിയില്ലെന്നും ആരോഗ്യ വിദഗ്ദ്ധർ പറഞ്ഞു. 48 പേരാണ് ട്രയലിന്റെ ഭാഗമായത്. ട്രയലിൽ പങ്കെടുത്തവരിലെല്ലാം മരുന്ന് നൂറു ശതമാനം വിജയമാണെന്നും റഷ്യ അറിയിച്ചു.
പ്രാരംഭ ട്രയലിലെ നേട്ടം
48 പേരാണ് പ്രാരംഭ ക്ലിനിക്കൽ ട്രയലിൽ പങ്കെടുത്തത്. മരുന്ന് ഉപയോഗിച്ചവരിൽ ട്യൂമറിന്റെ വലിപ്പം ഗണ്യമായി ചുരുങ്ങി.ഗൗരവമായ പാർശ്വഫലങ്ങൾ ഒന്നും കണ്ടെത്തിയില്ല. പരീക്ഷണത്തിൽ പങ്കെടുത്ത എല്ലാവരിലും മരുന്ന് വിജയകരമായ ഫലം നൽകി.
റഷ്യൻ ആരോഗ്യമന്ത്രാലയത്തിന് കീഴിലുള്ള നാഷണൽ മെഡിക്കൽ റിസർച്ച് റേഡിയോളജിക്കൽ സെന്റർ, ഏംഗൽഹാർട്ട് ഇൻസ്റ്റിറ്റ്യൂട്ട് ഓഫ് മോളിക്യുലാർ ബയോളജിയുമായി സഹകരിച്ചാണ് ക്ലിനിക്കൽ ട്രയൽ സംഘടിപ്പിച്ചത്.
എംആർഎൻഎ സാങ്കേതിക വിദ്യ ഉപയോഗിച്ചാണ് എന്റെറോമ്കിസ് തയ്യാറാക്കിയത്. കാൻസർ കോശങ്ങളെ തിരിച്ചറിയാനും ഉന്മൂലനം ചെയ്യാനും പ്രതിരോധ സംവിധാനത്തെ പരിശീലിപ്പിക്കുകയാണ് വാക്സിന്റെ ദൗത്യം.
റഷ്യൻ ആരോഗ്യമന്ത്രലായതിന്റെ അനുമതി ലഭിച്ചാൽ ഉടൻ വാക്സിൻ വിപണിയിലെത്തും.
ഗവേഷണത്തിന് പിന്നിൽ ആരൊക്കെ?
ഈ പഠനം സംഘടിപ്പിച്ചത്:
#റഷ്യൻ ആരോഗ്യ മന്ത്രാലയത്തിന് കീഴിലുള്ള നാഷണൽ മെഡിക്കൽ റിസർച്ച് റേഡിയോളജിക്കൽ സെന്റർ
#എംഗൽഹാർട്ട് ഇൻസ്റ്റിറ്റ്യൂട്ട് ഓഫ് മോളിക്യുലാർ ബയോളജി
#വാക്സിൻ വികസിപ്പിക്കാൻ mRNA സാങ്കേതികവിദ്യയാണ് ഉപയോഗിച്ചത് – കൊവിഡിനായി ഉപയോഗിച്ച അതേ ആധുനിക രീതിയാണ് ഇത്.
mRNA സാങ്കേതിക വിദ്യയുടെ പങ്ക്
mRNA (മെസഞ്ചർ ആർ.എൻ.എ) വാക്സിനുകളുടെ പ്രത്യേകത:
#പ്രതിരോധ സംവിധാനത്തെ പരിശീലിപ്പിക്കുക
#രോഗകാരിയായ കോശങ്ങളെ തിരിച്ചറിയാനും ആക്രമിക്കാനും സഹായിക്കുക
#സാധാരണയായി വൈറസുകൾക്കെതിരെ ഉപയോഗിച്ചിരുന്നെങ്കിലും, ഇപ്പോൾ കാൻസറിനെതിരെ പരീക്ഷണം വിജയകരം
#‘എന്റെറോമിക്സ്’ കാൻസർ കോശങ്ങളെ ലക്ഷ്യമാക്കി ശരീരത്തിലെ പ്രതിരോധ സംവിധാനം തന്നെ ആയുധമാക്കുകയാണ്.
അടുത്ത ഘട്ടങ്ങൾ
റഷ്യൻ ആരോഗ്യമന്ത്രാലയത്തിന്റെ അനുമതി ലഭിച്ചാൽ, വാക്സിൻ വിപണിയിലെത്തും. കൂടുതൽ വ്യാപകമായ ക്ലിനിക്കൽ ട്രയലുകൾ തുടരും.
വിവിധ കാൻസർ തരങ്ങളിൽ വാക്സിൻ എത്രത്തോളം ഫലപ്രദമാണെന്ന് വിലയിരുത്തും. ഗ്ലോബൽ ആരോഗ്യരംഗത്തിൻറെ പ്രസക്തി
കാൻസർ ലോകത്ത് വർഷം തോറും കോടിക്കണക്കിന് ജീവനുകൾ നഷ്ടപ്പെടുത്തുന്ന രോഗമാണ്. നിലവിലുള്ള ചികിത്സാമാർഗങ്ങൾ (കീമോതെറാപ്പി, റേഡിയേഷൻ, സർജറി) പലപ്പോഴും കഠിനമായ പാർശ്വഫലങ്ങളോടെ മാത്രമേ ലഭ്യമാവുന്നുള്ളൂ.
‘എന്റെറോമിക്സ്’ വാഗ്ദാനം ചെയ്യുന്നത്:
#കുറഞ്ഞ പാർശ്വഫലങ്ങൾ
#ദീർഘകാല പ്രതിരോധം
#നിലവാരം മെച്ചപ്പെടുത്തൽ
#അന്താരാഷ്ട്ര പ്രതികരണങ്ങൾ
ശാസ്ത്രലോകം ഈ കണ്ടെത്തലിനെ വലിയ മുന്നേറ്റമായി കാണുന്നു. കൊവിഡിനുശേഷം സാങ്കേതിക വിദ്യയുടെ സാധ്യതകൾ ആരോഗ്യരംഗത്ത് പുതിയ വാതിലുകൾ തുറക്കുന്നതായി വിദഗ്ധർ അഭിപ്രായപ്പെടുന്നു.
എങ്കിലും, പ്രാരംഭ പരീക്ഷണങ്ങളിൽ നിന്ന് വിപണിയിലെത്തുന്നത് വരെ പോകാൻ വലിയ യാത്രയാണ്.
ദീർഘകാല സുരക്ഷ, വിവിധ കാൻസർ തരങ്ങളിലെ ഫലപ്രാപ്തി, ഉൽപാദന ചിലവ് എന്നിവ ഇപ്പോഴും വെല്ലുവിളികളാണ്.
മരുന്നു കമ്പനികളായ മോഡേണയും മെർക്ക് ആൻഡ് കോയും പരീക്ഷണാടിസ്ഥാനത്തിൽ ഒരു കാൻസർ വാക്സിൽ വികസിപ്പിച്ചെടുത്തിരുന്നു.
മൂന്ന് വർഷത്തെ ചികിത്സയ്ക്ക് ശേഷം ചർമത്തെ ബാധിക്കുന്ന ഏറ്റവും മാരകമായ കാൻസറായ മെലനോമ വീണ്ടും പിടിപെടാനും മരണം സംഭവിക്കാനുമുള്ള സാധ്യത പകുതിയായി കുറഞ്ഞതായി ഒരു പഠനത്തിൽ കണ്ടെത്തിയിരുന്നു.
സെർവിക്കൽ കാൻസർ ഉൾപ്പെടെയുള്ളവയ്ക്ക് കാരണമാകുമെന്ന ഹ്യൂമൻ പാപ്പിലോമ വൈറസുകൾക്കെതിരേ (എച്ച്പിവി) പ്രവർത്തിക്കുന്ന വാക്സിനുകളും കരളിനെ ബാധിക്കുന്ന കാൻസറിന് കാരണമായ ഹെപ്പറ്റൈറ്റിസ് ബിയ്ക്കെതിരേ(എച്ച്ബിവി) പ്രവർത്തിക്കുന്ന വാക്സിനുകളും ഇന്ന് ലഭ്യമാണ്.
