ഇന്നും ആശ്വാസം; സ്വർണവില വീണ്ടും ഇടിഞ്ഞു

കൊച്ചി: സംസ്ഥാനത്ത് സ്വർണവിലയിൽ വീണ്ടും കുറഞ്ഞു. പവന് ഇന്ന് 440 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 73,440 രൂപയായി.

ഗ്രാമിന് 55 രൂപ കുറഞ്ഞ് വില 9,180 ആയി. രണ്ട് ദിവസത്തിനിടെ 760 രൂപയാണ് ഒരു പവൻ സ്വർണത്തിന് കുറഞ്ഞത്. പവന് 73,880 രൂപയിലാണ് ഇന്നലെ സ്വർണവ്യാപാരം നടന്നത്.

നേരത്തെ ഒരു പവൻ വില 75,000 കടന്നിരുന്നുവെങ്കിലും പിന്നീട് കുറഞ്ഞ് 74,000ത്തിലെത്തിയിരുന്നു. ജൂലൈ 23ന് ആണ് പവൻ വില 75,000ലെത്തിയത്. തുടർന്ന് ഓഗസ്റ്റ് 6ന് 75,000 കടന്ന പവൻവില ആറ് ദിവസം ഉയർന്നുനിന്ന ശേഷമാണ് വിലയിടിഞ്ഞത്.

നിലവിൽ അഞ്ച് ശതമാനം പണിക്കൂലിയും നികുതിയും ഉൾപ്പെടെ ഒരുപവന് 80,000 രൂപയോളം നൽകേണ്ടി വരും. 24 കാരറ്റിന് പവന് 80,120 രൂപയും ഗ്രാമിന് 10,015 രൂപയുമാണ് ഇന്നത്തെ വില.

18 കാരറ്റ് സ്വർണത്തിന് പവന് 60,088 രൂപയും ഗ്രാമിന് 7,511 രൂപയുമാണ് വില. ഈ വർഷം ജനുവരി 22നാണ് സ്വർണവില ആദ്യമായി 60,000 കടന്നത്. തുടർന്ന് ഫെബ്രുവരി 11ന് പവൻ വില 64,000 പിന്നിട്ടിരുന്നു.

പിന്നാലെ മാർച്ച് 14ന് 65,000 കടന്ന വില ഏപ്രിൽ 12നാണ് ആദ്യമായി 70,000 കടന്നത്. തുടർന്ന് ഏപ്രിൽ 17ന് പവൻ വില 71,000ഉം ഏപ്രിൽ 22ന് വില 74,000ഉം കടന്നു.

രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവിലയിൽ മാറ്റം വരുന്നത്. സ്വർണത്തിന്റെ രാജ്യാന്തര വില, ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിശ്ചയിക്കുന്നത്.

വെള്ളിയ്ക്ക് ഗ്രാമിന് 125 രൂപയും കിലോഗ്രാമിന് 1,25,000 രൂപയുമാണ് ഇന്നത്തെ വില.

Summary: Gold prices in Kerala have dropped again today. The price of one pavan of gold decreased by ₹440, bringing it down to ₹73,440. Per gram, the price fell by ₹55 to ₹9,180. In the past two days, gold has dropped by a total of ₹760 per pavan.