കശ്മീരില് ഏറ്റുമുട്ടല്; രണ്ട് സൈനികര്ക്ക് വീരമൃത്യു
ശ്രീനഗര്: ജമ്മുകശ്മീരിലെ കുല്ഗാമിലുണ്ടായ ഏറ്റുമുട്ടലില് രണ്ട് സൈനികര്ക്ക് വീരമൃത്യു. ശനിയാഴ്ച ഓപ്പറേഷന് അഖാലിന്റെ ഭാഗമായി ഭീകരവാദികളുമായുണ്ടായ ഏറ്റുമുട്ടലിലാണ് സൈനികര് വീരമൃത്യു വരിച്ചത്.
ലാന്സ് നായിക് പ്രിതിപാല് സിങ്, ശിപായി ഹര്മിന്ദര് സിങ് എന്നിവരാണ് വീരമൃത്യു വരിച്ചത്. ഇരു സൈനികരുടെയും ഉന്നതമായ ത്യാഗത്തിനും ധീരതയും അര്പ്പണബോധവും എന്നെന്നും പ്രചോദനമായി തുടരുമെന്ന് ചിനാര് കോര്പ്സ് അറിയിച്ചു.
വീരമൃത്യു വരിച്ചതില് അഗാധമായ ദുഖം രേഖപ്പെടുത്തുന്നു, കുടുംബത്തോടൊപ്പം നില്ക്കും. ദൗത്യം തുടരും എന്ന് സൈന്യം എക്സില് ട്വീറ്റ് ചെയ്തു.
ഏറ്റുമുട്ടലില് രണ്ട് സൈനികര്ക്ക് പരിക്കേറ്റിട്ടുമുണ്ടെന്നാണ് വിവരം.
മേഖലയില് ഒളിച്ചിരിക്കുന്ന ഭീകരവാദികള്ക്കെതിരായ ഓപ്പറേഷന് അഖാല് കഴിഞ്ഞ ഒമ്പത് ദിവസമായി തുടരുകയാണ്. ഇതുവരെ 10 സൈനികര്ക്ക് പരിക്കേറ്റിട്ടുണ്ട്.
ഓപ്പറേഷന് അഖാലിന്റെ ഭാഗമായി ഇതുവരെ അഞ്ച് ഭീകരവാദികളെയാണ് സുരക്ഷാസേന വധിച്ചത്. ഇതില് മൂന്നുപേര് പഹല്ഗാം ഭീകരാക്രമണത്തില് നേരിട്ട് പങ്കെടുത്ത ഭീകരവാദികളായിരുന്നു.
ഓപ്പറേഷൻ സിന്ദൂർ പാഠ പുസ്തകങ്ങളിലേക്ക്
ന്യൂഡല്ഹി: രാജ്യത്തെ നടുക്കിയ പഹല്ഗാം ഭീകരാക്രമണത്തിന് തിരിച്ചടിയായി പാകിസ്ഥാനെതിരെ ഇന്ത്യ നടത്തിയ ഓപ്പറേഷന് സിന്ദൂര് പാഠ്യപദ്ധതിയില് ഉള്പ്പെടുത്താന് ഒരുങ്ങി എന്സിഇആര്ടി.
ഹയര് സെക്കന്ഡറി പ്രത്യേക പാഠഭാഗമായി പാഠ്യപദ്ധതിയില് ഉള്പ്പെടുത്താനാണ് ആലോചന.
പാഠഭാഗം തയാറാക്കുന്നതിന്റെ പ്രവര്ത്തനങ്ങളെല്ലാം അവസാനഘട്ടത്തിലാണ് എന്നാണ് വിവരം. ഓപ്പറേഷൻ സിന്ദൂറിനു പുറമെ എങ്ങനെയാണ് രാജ്യങ്ങള് അതിര്ത്തി ഭീഷണികളെ നേരിടുക, ഇത്തരം സമയങ്ങളിലെ നയതന്ത്രം, വിവിധ വകുപ്പുകള് തമ്മിലുള്ള ഏകോപനം തുടങ്ങിയവയും പാഠഭാഗത്ത് ഉള്പ്പെടുത്തും.
ഏപ്രില് 22നായിരുന്നു ജമ്മു കശ്മീരിലെ വിനോദ സഞ്ചാര കേന്ദ്രമായ പഹല്ഗാമില് നടന്ന ഭീകരാക്രമണത്തില് നിരപരാധികളായ 26 പേര് കൊല്ലപ്പെട്ടത്.
ഈ ആക്രമണത്തിന് തിരിച്ചടിയായി മെയ് 7ന് പാകിസ്ഥാനിലേയും പാക് അധിനിവേശ കശ്മീരിലേയും ഒമ്പത് തീവ്രവാദ കേന്ദ്രങ്ങള് ഇന്ത്യ ആക്രമിച്ചിരുന്നു. ഓപ്പറേഷന് സിന്ദൂര് എന്നായിരുന്നു ഈ നടപടിക്ക് ഇന്ത്യ പേര് നൽകിയിരുന്നത്.
ബഹവല്പൂര്, മുരിഡ്കെ അടക്കമുള്ള ഒമ്പത് ഭീകരകേന്ദ്രങ്ങളിലാണ് മെയ് ഏഴ് അര്ധരാത്രി ഇന്ത്യയുടെ ആക്രമണം നടന്നത്.
ബഹാവല്പൂരിലെ ജെയ്ഷെ ആസ്ഥാനമായിരുന്നു ഇന്ത്യ തകര്ത്തത്. മുരിഡ്കെയിലെ ലഷ്കര് ആസ്ഥാനവും ഇന്ത്യ തകര്ത്തിരുന്നു.
Summary: Two soldiers, Lance Naik Pritipal Singh and Sepoy Harminder Singh, were martyred in an encounter with terrorists in Kulgam, Jammu and Kashmir, during Operation Akhal on Saturday.
