ഹോര്മുസ് കടലിടുക്ക് അടക്കാൻ നിർദേശം
ടെഹ്റാന്: ഹോര്മുസ് കടലിടുക്ക് അടക്കാൻ നിർദേശം നൽകിയതായി റിപ്പോർട്ട്. ആണവ കേന്ദ്രങ്ങളില് യുഎസ് ആക്രമണം നടത്തിയതിന് പിന്നാലെ പ്രത്യാക്രമണത്തിന് ഒരുങ്ങുകയാണ് ഇറാൻ.
യുഎസിന്റെ നാവികസേനാ കപ്പലുകള്ക്ക് നേരെ ആക്രമണം നടത്താനും ഹോര്മുസ് കടലിടുക്ക് അടയ്ക്കാനും ഇറാന് പരമോന്നത നേതാവ് ആയത്തുള്ള അലി ഖമീനിയുടെ ഒരു പ്രധാന ഉപദേഷ്ടവ് ആഹ്വാനം ചെയ്തതായി സിഎന്എന് ആണ് റിപ്പോര്ട്ട് ചെയ്തത്.
യാതൊരു വിധ മടിയും കൂടാതെ, പ്രത്യാക്രമണത്തിന്റെ ആദ്യപടിയായി ബഹ്റൈനില് നിലയുറപ്പിച്ച അമേരിക്കന് നാവികപ്പടയ്ക്ക് നേരെ മിസൈല് ആക്രമണം ആരംഭിക്കണം.
അമേരിക്കന്, ബ്രിട്ടീഷ്, ജര്മ്മന്, ഫ്രഞ്ച് എന്നിവരുടെ കപ്പല് ഗതാഗതം തടയാനായി ഹോര്മുസ് കടലിടുക്ക് അടയ്ക്കുകയും വേണം എന്നാണ് നിർദേശം.
അതേസമയം ഇറാന്റെ ആണവ കേന്ദ്രങ്ങള്ക്ക് നേരെയുണ്ടായ അമേരിക്കന് ആക്രമണത്തോട് പരമോന്നത നേതാവ് ഖമീനിയില് നിന്നോ ഇറാന് സര്ക്കാരിന്റെ ഭാഗത്ത് നിന്ന് ഔദ്യോഗിക പ്രതികരണമൊന്നും ഇതുവരെ ഉണ്ടായിട്ടില്ല.
എന്നാൽ ആക്രമണം ഇറാന്റെ ആണവോര്ജ ഏജന്സി പ്രതികരണം നടത്തിയിട്ടുണ്ട്. യുഎസിന്റെ സൈനിക നടപടി അന്താരാഷ്ട്ര നിയമങ്ങള്ക്ക് വിരുദ്ധവും പ്രത്യേകിച്ച് ആണവ നിര്വ്യാപന കരാറിന് വിരുദ്ധമായ ഒരു ക്രൂരമായ പ്രവൃത്തിയാണെന്ന് അവർ പ്രസ്താവനയില് വ്യക്തമാക്കി.
അന്താരാഷ്ട്ര ആണവോര്ജ ഏജന്സിയുടെ സഹകരണത്തോടെയാണ് ഈ നിയമവിരുദ്ധമായ നടപടിയുണ്ടായിട്ടുള്ളതെന്നും ആണ് ഇറാനിയന് ആണവോര്ജ്ജ സംഘടനയുടെ ആരോപണം.
ഇറാന് ആണവ കേന്ദ്രങ്ങള്ക്ക് നേരെ ബി-2 ബോംബറുകള് അടക്കം ഉപയോഗിച്ചാണ് യുഎസ് ആക്രമണം നടത്തിയത്.
ട്രംപ് രണ്ടാഴ്ചത്തെ സമയപരിധി നിശ്ചയിക്കുകയും ഇറാനുമായി യൂറോപ്യന് രാജ്യങ്ങള് ചര്ച്ചകള് നടത്തി വരികയും ചെയ്യുന്നതിനിടെയാണ് യുഎസ് അപ്രതീക്ഷിത ആക്രമണം നടത്തിയത്.
ഫോര്ദൊ ആണവ കേന്ദ്രത്തില് ഒരു ഡസന് ‘ബങ്കര് ബസ്റ്റര്’ ബോംബുകള് വര്ഷിക്കാന് യുഎസ് ആറ് ബി-2 ബോംബറുകള് ഉപയോഗിച്ചതായാണ് സിഎന്എന് റിപ്പോര്ട്ട് ചെയ്തിരിക്കുന്നത്.
നാവിക അന്തര്വാഹിനികള് 30 ടിഎല്എഎം ക്രൂയിസ് മിസൈലുകള് നതാന്സിലും ഇസ്ഫഹാനിലും പ്രയോഗിച്ചു, കൂടാതെ ഒരു ബി2 രണ്ട് ബങ്കര് ബസ്റ്ററുകള് നതാന്സില് വര്ഷിച്ചുവെന്നും യുഎസ് ഉദ്യോഗസ്ഥരെ ഉദ്ധരിച്ച് റിപ്പോർട്ട് ചെയ്യുന്നു.
അതേസമയം ആക്രമണത്തില് ഫോര്ഡോ ആണവ കേന്ദ്രത്തിന് കാര്യമായ നാശനഷ്ടം സംഭവിച്ചിട്ടില്ലെന്നാണ് ഇറാന് പാര്ലമെന്റ് അംഗം മുഹമ്മദ് മനാന് റഈസി നൽകുന്ന അറിയിപ്പ്.
അപകടകരമായ വസ്തുക്കള് സ്ഥലത്ത് നിന്ന് ഒഴിപ്പിച്ചിരുന്നതിനാല് ആക്രമണത്തിന് ശേഷം ആണവ വികിരണം ഉണ്ടായിട്ടില്ലെന്നും പ്രദേശവാസികള്ക്ക് റഈസി ഉറപ്പുനല്കി.
ആക്രമണം വന് വിജയം; ഡൊണാൾഡ് ട്രംപ്
അമേരിക്ക ഇറാന്റെ ആണവകേന്ദ്രങ്ങളില് നടത്തിയ ആക്രമണം വന് വിജയമായിരുന്നുവെന്ന് യു.എസ് പ്രസിഡന്റ് ഡൊണാള്ഡ് ട്രംപ് പറഞ്ഞു.
ഇറാനെ ഭീകര രാഷ്ട്രമായി മുദ്രകുത്തിയ ട്രംപ് തീവ്രവാദം വളര്ത്തുന്ന ഒന്നാം നമ്പര് രാജ്യമാണെന്നും ട്രംപ് കുറ്റപ്പെടുത്തി.
ദൗത്യം വിജയിച്ചുവെന്ന് രാജ്യത്തെ അഭിസംബോധന ചെയ്തുകൊണ്ട് ട്രംപ് പറഞ്ഞു. ‘യു.എസ് സൈന്യത്തിന്റെ സുപ്രധാന നേട്ടമാണിത്.
ആണവായുധമുണ്ടാക്കാനുള്ള ഇറാന്റെ ശേഷി തകര്ക്കുകയായിരുന്നു ലക്ഷ്യം. (ആക്രമണം വന് വിജയം; ഡൊണാൾഡ് ട്രംപ്)
ആയുധങ്ങളും ബോംബുകളും പ്രയോഗിക്കുന്നു. അവരുടെ ജനറലായിരുന്ന ഖാസിം സുലൈമാനി നിരവധി പേരെ കൊന്നൊടുക്കി.
വളരെ മുമ്പെ ഞാന് തീരുമാനിച്ചിരുന്നതാണ് ഞാന് കാരണം ഇത് സംഭവിക്കരുതെന്ന്. ഇത് തുടരില്ലെന്നും അഭിസംബോധന ചെയ്തുകൊണ്ട് ട്രംപ് പറഞ്ഞു.
Summary: According to a CNN report, a top advisor to Iran’s Supreme Leader Ayatollah Ali Khamenei has called for attacks on U.S. Navy vessels and the closure of the Strait of Hormuz, following escalating tensions over U.S. strikes on Iranian nuclear facilities.
