മലപ്പുറം: ഓടിക്കൊണ്ടിരുന്ന കാറിൽ നിന്ന് രണ്ട് പേർ തെറിച്ചു വീണു. മലപ്പുറം വെങ്ങര അരിക്കുളത്ത് ആണ് സംഭവം. അപകടത്തിൽ നിന്ന് രണ്ട് പേരും അത്ഭുതകരമായി രക്ഷപ്പെട്ടതായാണ് വിവരം.
ഇന്നലെയാണ് സംഭവം. അപകടത്തിന്റെ സിസിടിവി ദൃശ്യങ്ങൾ പുറത്തു വന്നിട്ടുണ്ട്. കാർ വേഗത്തിൽ പോകുന്നതിനിടെ വളവ് തിരിയുന്നതിനിടെയാണ് അപകടമുണ്ടായത്. കാറിന്റെ പിന്നിലെ ഇടതു വശത്തെ ഡോറുകൾ തുറന്ന് പോവുകയായിരുന്നു.
ഈ ഡോർ തുറന്നതോടെ സൈഡിൽ ഇരുന്ന ആൾ ആദ്യം തെറിച്ചു വീണു. പിന്നാലെ ഒരാൾ കൂടി റോഡിലേക്ക് തെറിച്ചുവീഴുകയായിരുന്നു. കാറിൽ നിന്ന് തെറിച്ചുവീണവർക്ക് ഗുരുതരമായി പരുക്കേറ്റിട്ടില്ല.
കാറിന്റെ ഡോർ ശരിയായി ലോക്ക് ചെയ്യാതിരുന്നതാണ് അപകടത്തിനിടയാക്കിയത്. അപകടം നടന്ന ഉടനെ നാട്ടുകാരും ഓടികൂടി തെറിച്ചുവീണവരെ ആശുപത്രിയിൽ പ്രവേശിപ്പിക്കുകയായിരുന്നു.
പനി ബാധിച്ച് ഒന്നര വയസ്സുകാരന് മരിച്ചു; അന്ത്യം മെഡിക്കൽ കോളേജിലേക്ക് മാറ്റുന്നതിനിടെ
കോഴിക്കോട്: കോഴിക്കോട് പേരാമ്പ്രയിൽ പനി ബാധിച്ച് ഒന്നര വയസ്സുകാരന് മരിച്ചു. പേരാമ്പ്ര മുളിയങ്ങല് സ്വദേശി ഈങ്ങാരി ഷംസീറിന്റെ മകന് യസീം ആണ് മരിച്ചത്.
ഇന്നലെ രാവിലെ പനി കൂടിയതിനെ തുടര്ന്ന് പേരാമ്പ്ര ഇഎംഎസ് സഹകരണ ആശുപത്രിയില് ചികിത്സ തേടിയെങ്കിലും കോഴിക്കോട് മെഡിക്കല് കോളേജിലേക്ക് മാറ്റാന് ഡോക്ടര്മാര് നിര്ദേശിക്കുകയായിരുന്നു.
പീന്നീട്മെഡിക്കല് കോളേജിലേക്കുള്ള യാത്രാമദ്ധ്യേ കുട്ടിയുടെ സ്ഥിതി വഷളായി. ഇതെ തുടർന്ന് മൊടക്കല്ലൂരിലെ സ്വകാര്യ മെഡിക്കല് കോളേജ് ആശുപത്രിയിൽ കുഞ്ഞിനെ പ്രവേശിപ്പിച്ചു. ‘
എന്നാൽ ഇവിടെ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മാതാവ്: ജര്ഷിത കൊടശ്ശേരി. സഹോദരങ്ങള് ഹംദാന് അഹമ്മദ് അജ്മി, ഹാദി അഹമ്മദ് അജ്മി.
