മലപ്പുറം: നിലമ്പൂർ ഉപതിരഞ്ഞെടുപ്പിലെ എൽഡിഎഫ് സ്ഥാനാർത്ഥി എം സ്വരാജ് നാമനിർദ്ദേശ പത്രിക സമർപ്പിച്ചു. സിപിഐഎം പൊളിറ്റ്ബ്യൂറോ അംഗം എ വിജയരാഘവൻ സംസ്ഥാന കമ്മിറ്റി അംഗം പി കെ സൈനബ എന്നിവരും സ്വരാജിനൊപ്പം പത്രിക സമർപ്പണത്തിന് എത്തിയിരുന്നു.
ഉപവരാണധികാരിയായ നിലമ്പൂർ തഹസിൽദാർ എം.പി. സിന്ധു മുമ്പാകെയാണ് നാമനിർദ്ദേശപത്രിക സമർപ്പിച്ചത്. എല്ഡിഎഫ് പ്രവര്ത്തകരുടെ പ്രകടനമായെത്തിയായിരുന്നു സ്വരാജിന്റെ പത്രികാ സമര്പ്പണം.
നിലമ്പൂർ ഉപതിരഞ്ഞെടുപ്പിലെ നാമനിർദേശപത്രിക സമർപ്പിക്കാനുള്ള അവസാന തീയതി ഇന്നാണ്. തൃണമൂൽ കോൺഗ്രസ് സ്ഥാനാർഥിയായ പി.വി അൻവറും ബിജെപി സ്ഥാനാർഥി മോഹൻ ജോര്ജും ഇന്ന് നാമനിർദേശപത്രിക സമർപ്പിക്കും.
അതേസമയം യുഡി എഫ് സ്ഥാനാർഥി ആര്യാടൻ ഷൗക്കത്ത് കഴിഞ്ഞദിവസം നാമനിർദേശ പത്രിക സമർപ്പിച്ചിരുന്നു. നാമനിർദേശ പത്രികകൾ സമർപ്പിക്കപ്പെടുന്നതോടെ പ്രചാരണ രംഗവും ചൂടുപിടിക്കും.
ആഭരണ പ്രേമികൾക്ക് ആശ്വാസ വാർത്തയില്ല; സ്വർണ വില വീണ്ടും കുതിച്ചു
തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ വീണ്ടും വർധനവ്. പവന് 240 രൂപയാണ് ഇന്ന് കൂടിയത്. ഒരു പവൻ സ്വർണത്തിന്റെ വില 71600 രൂപയാണ്.
ഒരു ഗ്രാം 22 കാരറ്റ് സ്വർണത്തിന്റെ വിപണി വില 30 രൂപ വർധിച്ചു. ഒരു ഗ്രാം സ്വർണത്തിന്റെ ഇന്നത്തെ വില 8950 രൂപയാണ്. അതേസമയം ഒരു ഗ്രാം 18 കാരറ്റ് സ്വർണത്തിന്റെ വിപണി വില 25 രൂപ വർധിച്ചു. ഇന്നത്തെ വിപണി വില 7340 രൂപയാണ്.
ഒരു ഗ്രാം സാധാരണ വെള്ളിയുടെ ഇന്നത്തെ വില 119 രൂപയാണ്. അതേസമയം ശനിയാഴ്ച രാവിലെ 3,289 ഡോളറിലായിരുന്ന രാജ്യാന്തര സ്വര്ണ വില ഇന്ന് 3,309 ഡോളറിലേക്ക് കുതിച്ചു. യുഎസ് പ്രസിഡന്റ് ഡോണള്ഡ് ട്രംപിന്റെ പുതിയ താരിഫ് ഭീഷണിയും ഡോളര് ഇടിഞ്ഞതുമാണ് സ്വര്ണ വിലയിൽ മാറ്റം വരുത്തിയത്.
ഇന്നത്തെ വില അനുസരിച്ച് ഒരു പവന് വാങ്ങാന് 81170 രൂപയോളം നല്കേണ്ടി വരും. വിലയ്ക്കൊപ്പം 10 ശതമാനം പണിക്കൂലി, ഹാള്മാര്ക്ക് ചാര്ജ്, മൂന്ന് ശതമാനം ജിഎസ്ടി എന്നിന ചേര്ത്തുള്ള വിലയാണിത്. അഞ്ച് പവന് വാങ്ങണമെങ്കില് കുറഞ്ഞത് 4.10 ലക്ഷം രൂപ എങ്കിലും വേണം.
