കൊച്ചി: എറണാകുളം തിരുവാങ്കുളത്ത് മൂന്നു വയസുകാരിയെ അമ്മ പുഴയിലെറിഞ്ഞു കൊന്ന സംഭവത്തിൽ കൂടുതൽ വിവരങ്ങൾ പുറത്ത്. വീട്ടില് പ്രശ്നങ്ങള് ഉണ്ടായിരുന്നില്ലെന്ന് കൊല്ലപ്പെട്ട നാല് വയസുകാരിയുടെ അച്ഛനും സഹോദരനും പറഞ്ഞു. അമ്മ നേരത്തെയും ഉപദ്രവിക്കാറുണ്ടെന്ന് സഹോദരൻ വെളിപ്പെടുത്തി.
ഒരുമാസമായി താന് വീട്ടില് ഉണ്ടായിരുന്നില്ലെന്നും പിതാവ് ആശുപത്രിയില് ആയതുകൊണ്ടാണ് ഇപ്പോള് വന്നതെന്നും കല്യാണിയുടെ അച്ഛന് പറയുന്നു. കൊച്ചിനെ അങ്കണവാടിയില് കൊണ്ടുപോകാന് ഞാനാണ് റെഡിയാക്കിയത്. കുട്ടി പോകുന്നില്ലെന്ന് പറഞ്ഞതാണ് എന്നും അദ്ദേഹം കൂട്ടിച്ചേർത്തു.
ഉച്ചയ്ക്ക് 11 മണിയാകുമ്പോള് സന്ധ്യ വിളിച്ചു. കുക്കറിന്റെ വാഷര് പൊട്ടിപ്പോയി വേറെ വാങ്ങണമെന്ന് പറഞ്ഞെന്നും കുട്ടിയുടെ അച്ഛൻ പ്രതികരിച്ചു. അതേസമയം അമ്മ വീട്ടില് നിന്ന് പോയത് അറിഞ്ഞിരുന്നില്ലെന്ന് കല്യാണിയുടെ സഹോദരന് പറയുന്നു.
ഒരു തവണ കടയില് പോകണമെന്ന് പറഞ്ഞ് വിളിച്ചുകൊണ്ടു പോയി. അച്ഛന്റെ വീട്ടില് നിന്ന് അമ്മയുടെ വീട്ടില് എത്തിച്ച ശേഷമാണ് കൊല്ലാന് ശ്രമിച്ചത്. ഐസ്ക്രീം വാങ്ങി, ബാത്ത്റൂമില് കയറി അതില് വിഷം കലര്ത്തി ഞങ്ങള്ക്ക് തരാന് നോക്കി. ഇതുകണ്ട് കഴിക്കാന് വിസമ്മതിച്ചപ്പോള് ടോര്ച് ഉപയോഗിച്ച് അടിച്ചു. ഞങ്ങള് വീടിന്റെ പിറക് വശത്തുകൂടി ഇറങ്ങി ഓടിയെന്നും സഹോദരന് പറയുന്നു.
അതേസമയം കുടുംബ പ്രശ്നങ്ങള് ഒന്നും ഉണ്ടായിരുന്നില്ലെന്ന് കല്യാണിയുടെ മുത്തശി പറഞ്ഞു. കല്യാണിയുടെ അമ്മയുടെ പെരുമാറ്റത്തില് സംശയം തോന്നിയിട്ടുണ്ടെന്നും ഇവര് വ്യക്തമാക്കി.
കുടുംബപ്രശ്നങ്ങള് ഉണ്ടായിരുന്നില്ലെന്ന് തന്നെയാണ് പിതാവിന്റെ ബന്ധുക്കളും അയല്ക്കാരും പറയുന്നത്. സന്ധ്യയുടെ പെരുമാറ്റത്തില് പ്രശ്നങ്ങള് തോന്നിയിട്ടുണ്ടെന്ന് ബന്ധുക്കളും പറയുന്നു. അതേസമയം, കുട്ടിയെ കൊലപ്പെടുത്തിയ കേസില് ചെങ്ങമനാട് പോലീസ് പുതിയ എഫ്ഐആര് രജിസ്റ്റര് ചെയ്തു. കുട്ടിയുടെ അമ്മയ്ക്കെതിരെ കൊലക്കുറ്റം ചുമത്തിയാണ് കേസടുത്തത്.
