അൽഖോബാർ: ലണ്ടന് മലയാളിയായ സൂര്യയുടെ ഭര്ത്താവിനെ മരിച്ച നിലയിൽ കണ്ടെത്തി. മൂവാറ്റുപുഴ, മുടവൂർ സ്വദേശി കണ്ണൻവേലിക്കൽ മുകേഷ്കുമാർ(37) ആണ് മരിച്ചത്. സൗദി അറേബ്യയിലെ അല്കോബാര്, തുഖ്ബയിലെ താമസ സ്ഥലത്താണ് മൃതദേഹം കണ്ടെത്തിയത്.
17 വർഷമായി വെതർഫോർഡ് കമ്പനിയിൽ ടെക്നീഷ്യനായി ജോലി ചെയ്ത് വരികയായിരുന്നു മുകേഷ്. ഈ കമ്പനിയിൽ തന്നെ ദുബൈ, ഇറാഖ്, അൾജീരിയ എന്നീ രാജ്യങ്ങളിലും ഇയാൾ ജോലി ചെയ്തിട്ടുണ്ട്. 2020ലാണ് സൗദിയിലെത്തിയത്.
രമേശൻ നായർ – ഉഷ ദേവി ദമ്പതികളുടെ മകനാണ്. സൂര്യക്കും മുകേഷിനും ഒരു മകനുണ്ട്. മൃതദേഹം നാട്ടിലെത്തിക്കുന്നതിനുള്ള നടപടിക്രമങ്ങൾ പൂർത്തീകരിക്കുകയാണ്.
ഫ്രാൻസിൽ മലയാളി വിദ്യാർത്ഥികളുടെ വീട്ടിൽ വൻ തീപിടുത്തം; പാസ്പോർട്ട് അടക്കം രേഖകളും വസ്ത്രങ്ങളും എല്ലാം കത്തിനശിച്ചു; മാറി ധരിക്കാൻ പോലും ഇല്ലാതെ കുട്ടികൾ
ഫ്രാൻസിലെ ബ്ലോ മെനിലിൽ ഉണ്ടായ തീപിടിത്തത്തിൽ മലയാളി വിദ്യാർത്ഥികൾ താമസിച്ച വീട് കത്തിനശിച്ചു. വിദ്യാർത്ഥികളുടെ പാസ്പോർട്ട് അടക്കം രേഖകളും വസ്ത്രങ്ങളും പുസ്തകങ്ങളും എല്ലാം കത്തിനശിച്ചു. രാത്രി ഉറങ്ങുന്നതിനിടെയാണ് തീപിടിത്തം ഉണ്ടായതെന്ന് മലയാളി വിദ്യാർത്ഥികൾ പറയുന്നു.
13 വിദ്യാർത്ഥികളാണ് വീട്ടിൽ ഉണ്ടായിരുന്നത്. വൻ പ്രതിസന്ധിയിലെന്നാണ് വിദ്യാർത്ഥികൾ പങ്കുവയ്ക്കുന്നത്. അടുത്ത വെള്ളിയാഴ്ച നാട്ടില് പോകാന് ഇരിക്കുന്നതിനിടെയാണ് അപകടമെന്നും നാട്ടില് പോകാന് പാസ്പോര്ട്ട് പോലും ഇല്ലെന്നും ചില വിദ്യാർത്ഥികൾ പറയുന്നു.
